Basha paraqet në Këshill planin e zhvillimit të Tiranës

“Qëllimi kryesor është dhe mbetet zhvillimi ekonomik, si instrumenti kryesor për krijimin e vendeve të punës. Do të krijohet Drejtoria e Përgjithshme e Investimeve Strategjike, e cila përveç Drejtorisë së Investimeve të Huaja dhe Parkut Teknologjik do të kujdeset për disa nga projektet kryesore, strategjike të kryeqytetit në katër deri në tetë vitet e ardhshme siç janë shtrirja e aksit kryesor pra, bulevardi verior i qytetit, rehabilitimi i lumit të Tiranës, ndërtimi i linjave të Tramit, përfundimi në faza i Unazës së Madhe të Qytetit të Tiranës dhe investime të tjera të një natyre strategjike për qytetin e Tiranës.
Do kërkoj nga Këshilli të konsiderojë edhe një vendim tjetër, të aprovojë në kuadrin aktual buxhetor hapjen e tenderit për projektin teknik të një segmenti shumë të rëndësishëm të Unazës së Madhe, pikërisht nga Shkolla Teknologjike, tek Qendra “Kristal”. I vetmi kriter i vlerësimit të performancës nën drejtimin tim do të jetë cilësia e shërbimit ndaj qytetarëve”, tha Basha.