Fier, reshjet krijojnë probleme në rrjetin e kanalizimeve
Sat 4 Feb 2012 - 11:50
FIER- Qyteti i Fierit ashtu sic i gjithë rajoni Jug-Perëndimor është përfshirë nga një mot i keq e me reshje të dëndura shiu, që kanë rënduar situatën në rrjetin rrugor e vecanrisht në rrjetin e kanalizimit të ujrave të bardha në qytet. Hyrja jugore për në qytetin e Fierit është përfshirë i gjithi nga uji, që ka bllokuar edhe tregun e ri industrial.
Mungesa e funksionimit të rrjetit të kanalizimeve, apo mospërballimi i sasisë së reshjeve prej tyre, ka bërë që uji të bllokoje edhe hyrjet e institucioneve kryesore si, prefekturën, teatrin e një sërë objekte të rrjetit të biznesit.
Sipas informacioneve nga ndërmarja komunale dhe ajo e shërbimeve, mësohet se po punohet për cbllokimin e kanaleve të bllokuara. Momentalisht gjëndja e lumit Gjanica, që është edhe rreziku kryesor i përmbytjes së qytetit, nuk është problematike.
POLICIA RRUGORE, MASA SHTESË
Reshjet e dëndura të shiut që kanë rënë gjatë orëve të natës dhe vazhdojnë të bien e kanë përkeqësuar situatën në rrjetin e arterieve rrugore që përfshijnë qarkun e Fierit. Megjithëse momentalisht nuk ka asnjë segment rrugor të pakalueshëm dhe qarkullimi vazhdon normalisht, policia rrugore ka marë një sërë masash shtesë që i paraprijnë përkeqësimit të situatës dhe parandalimit të aksidenteve. Sipas shefit të policisë Gëzim Gostujani janë përcaktuar segmentet më problematike, janë ngritur njësi shërbimi shtesë të cilat patrullojnë në këto segmente dhe në pikat hyrëse-dalëse të qytetit, ku trafiku është edhe më i rënduar.
(el.me/BalkanWeb)
Drejtat e ktij Forumit:
Ju nuk mund ti përgjigjeni temave të këtij forumi
|
|