E la e dashura se ishte mbipeshë, 24-vjeçari humb 50 kg, bëhet model

LONDER - 24-vjeçari Jonny Laidler vendosi të ndryshonte në mënyrë drastike jetën e tij, pasi u braktis nga e dashura. Katër vjet më parë ai peshonte 125 kilogramë dhe ishte shumë i shëndoshë për gustot e të dashurës, e cila vendosi ta braktiste me pretendimin se nuk i pëlqente fizikisht.

Për muajt të tërë, Laidler nuk arrinte të dilte nga shtëpia për shkak të dëshpërimit, por reduktoi sasinë e ushqimit që konsumonte dhe iu përkushtua ushtrimeve fizike. Gjatë kësaj periudhe, ai humbi 50 kilogramë dhe u bë i përshtatshëm për të marrë pjesë në një konkurs modelimi, në të cilin doli fitues.

Më pas Jonny nisi një karrierë si model dhe tani është i shumëkërkuar nga kompani dhe shoqëri të ndryshme. Ai thotë se sot është shumë i lumtur për ngjarjen më të trishtuar që i ka ndodhur në jetë.

”Asnjëherë nuk e kisha menduar se do të merresha me diçka të tillë në jetën time. Është e mrekullueshme dhe e pabesueshme se si arrita të fitoja. Gjithmonë kam qenë një njeri entuziast brenda vetes dhe kam qenë i lumtur me mënyrën se si dukesha edhe kur isha i shëndoshë. Të arrija në këtë formë fizike nuk ka qenë kurrë qëllimi im. Ndonjëherë duhet të kalosh prova të forta në jetë dhe mënyra se si u ndava ishte traumatike, por ajo më shërbeu shumë dhe kam ecur shumë përpara.”, shprehet 24-vjeçari për Daily Mail.

(er.nu/BalkanWeb)

sic themi ne pas nje te keqe ka nje te mire e la nje e dashur do te zere 20 te tjera