1992, shqiptarët festojnë 20 vjetorin e demokracisë

emokratët festojnë sot 20-vjetorin e fitores së PD-së në zgjedhjet e 22 marsit të 1992-it.

Më 16 mars (ditën e premte) kryeministri Berisha pas shumë kohësh mblodhi krerët lokalë të PD-së në rrethe dhe të gjithë grupin parlamentar, për përgatitjet e festimeve me rastin e 20-vjetorit të fitores së PD-së në zgjedhjet e 22 marsit të 1992-it. Berisha para demokratëve, duke e shpallur 2 marsin ditë feste, e cila do të kulmojë në orën 12:00, ndërkohë që festimet do vijojnë gjatë gjithë ditës, shprehu gëzimin e tij se edhe pas 20 vjetësh shqiptarët i besuan sërish Partisë që ai drejton.

Është hera e parë që demokratët e festojnë në këto përmasa fitoren e tyre të 20 viteve më parë që këtë vit përkon edhe me 100-vjetorin e pavarësisë së Shqipërisë. Festimet do shtrihen në të gjitha qytetet e vendit dhe do nisin që sot nga selia qendrore e PD.

Demokratët përgjatë këtyre viteve kanë kaluar ngjarje të rëndësishme, ndërkohë që për herë të tretë qeverisin vendin ndërsa 8 vite të tjera i kanë kaluar në opozitë.

Përmes votës së 22 marsit të 92-it, demokratët erdhën për herë të parë në pushtet duke marrë një fitore masive në mbarë vendit, gjë që përmbysi një herë e mirë regjimin diktatorial të Ramiz Alisë./bw