Për një tatuazh, rrezikoi t’i pritej këmba!

Kur bëri tatuazhin në këmbë, nuk besonte se mund të rrezikonte që t’i pritej këmba. Përkundrazi, e bëri për të qenë sa më trendy. Por ja që asnjëherë gjërat nuk mund të shkojnë ashtu siç duam ne. Ndonjëherë moda mund të jetë fatale për vetë jetën.Gruaja që shikoni në fotografi, është 54-vjeçarja Susan Fraser. Ajo ndodhej në Marmara të Turqisë, kur vendosi të bënte një tatuazh, në një studio. Por disa orë më vonë u ndjenë efektet negative. Këmba iu infektua dhe filloi t’i ënjtej. Madje mjekët i thanë se nëse nuk i bënte efekt edhe kura e katërt me antibiotikë, do t’i prisnin këmbën!

Fatmirësisht, kura e katërt dha efektet e para dhe Susan ndjehet e lumtur që shpëtoi më të keqen. Gjithsesi, 54-vjeçarja nga Ayrshire nuk do t’i harrojë kurrë pushimet në Turqi!

Tashmë ajo këshillon që duhet të gjithë të kemi informacione paraprake, para se të vendosim se në cilën studio të bëjmë tatuazhe, nëse do të bëjmë ndonjëherë. /alb-observer.com/