Shalsi: Berisha shpenzon miliona dollarë për të reklamuar veten e tij

Tiranë, 17 shtator 2012, NOA- Deputeti i Partisë Socialiste Eduard Shalsi në një komunikim me mediat tha se kriza ekonomike është ulur këmbëkryq në Shqipëri.

Sipas tij, kjo gjë është e shprehur qartë në uljen e ndjeshme të fuqisë blerëse, në rritjen e çmimeve, në pamundësinë e shqiptarëve për të përballuar jetesën në kushtet e vështira në të cilën gjenden bizneset.

“Sot ne do të bëjmë publike shpenzimet e reklamave të disa ministrive, për t’i dhënë mundësi shqiptarëve të shohin sesi shpenzohen dhe ku shkojnë paratë e tyre. Do ta fillojmë sot me Ministrinë e Brendshme, e cila në vitin 2006 e sapo ardhur në pushtet shpenzoi 7500 dollarë për reklamë. Një vit më pas shifra u rrit në 100 mijë dollarë. Në vitin 2008 shifra përsëri dyfishohet, 219 mijë dollarë. Për të arritur tek viti 2009, me 765 mijë dollarë. Kulmi në vitin 2010, ndërkohë që Lulzim Basha drejtonte këtë ministri, shifra arrin një kulm të paimagjinueshëm. Afërisht 2 milionë dollarë ka shpenzuar ministria e Lulzim Bashës për llogari të Sali Berishës. Shuma ekzakte 1 930 000 dollarë, duket e pabesueshme, por është e vërtetë. Një vit më pas, në vitin 2011, 1 milion dollarë për reklamë dhe propagandë qeveritare. Në vitin 2012, në 5 mujorin e parë, shifra kap 714 000 mijë dollarë. Viti 2012 vetëm për 5 mujorin e parë 714 000 dollarë”, deklaroi Shalsi, raporton noa.al.

Në këtë linjë ai tha se këto janë shpenzimet marramendëse, mbi 4 milionë euro, për të propaganduar qeverisjen, ku shtoi se Sali Berisha shpenzon miliona dollarë për të reklamuar veten e tij.

Shalsi thksoi se nga njëra anë janë dhjetëra, qindra, miliona euro të shpenzuara në reklama dhe nga ana tjetër janë të njohura kushtet e vështira të punës, pagat e ulëta të punonjësve të Policisë së Shtetit.

a.y/noa.al

E shperbefte skadenca e shperbefte...