Libri zbulon urdhrat e Gheddaf: Përdhunoni të gjitha gratë

Wed 19 Sep 2012 - 16:37

FRANCË- "Përdhunojini të gjitha, të moshuarat, vajzat, të gjitha". Kjo është një nga marrëzitë e Gadafit për të mposhtur rebelët gjatë revolucionit të vitit 2011. Faktin tronditës e rrëfen në librin e saj gazetarja franceze Cojean Annick, e cila në dorëshkrimin e saj “Gjahu”, nxjerr në dritë cmendurinë e diktatorit libian. Sipas dëshmive të viktimave dhe sipas rebelëve, përdhunimet ishin bërë vetëm me urdhër të Gadafit, të cilin e përdorte dhe si instrument lufte. "Diktatori detyronte njerëzit të e tij të merrnin sasi të mëdha viagrash dhe i urdhëronte ata të përdhunonin gratë, bijat dhe nënat e rebelëve, pavarësisht nga mosha e tyre. Disa prej këtyre dhunimeve filmoheshin në video dhe u dërgoheshin ushtarëve që ti nxisnin të bënin të njëjtin veprim”,- rrëfen një dëshmitar për gazetaren.

Por, jeta e Gheddaf ishte e bazuar edhe në festa me drogë dhe seks, teksa në libër rrëfehen mbrëmjet e organizuara nga koloneli në kalanë e Báb-it al-Aziziya para shpërthimit të revolucionit. Sipas dëshmive të ‘viktimave’, mbështetësit por edhe ‘amazonat’ e tij (femrat ushtare që e ruanin) kërkonin femra të virgjëresha anembanë vendit për të kënaqur 'tekat' e kolonelit.

Historia e Soraya, një vajzë përmendur në libër me emrin e saj të rremë rrëfen për gazetaren se si u largua me dhunë nga shkolla në moshën 15-vjecare, pasi u vu re nga Gadaffi në një vizitë zyrtare në institutin ku ajo studionte. Që atëherë, ajo ka jetuar për vite të tëra e fshehur kalanë e Báb-it al-Aziziya, ku trajtohej si një lodër seksi. Gjithashu në libër, i cili pritet të dalë këto ditë në shitje, thuhet se koloneli nuk i shfrynte epshet e tij seksuale me vajza të mitura të panjohura, por edhe me gratë dhe bijat e ministrave të tij.
(e.m/BalkanWeb)