Kur alkooli komandon dasmorët: Sherr në mes të Sheratonit

Teksa shikon planet e kësaj video të jepet përshtypja sikur bije tërmet, pasi dhe njerëzit lëvizin si të çoroditur. Por nuk është tërmet…është një sherr në mes të dasmës.Ngjarja ka ndodhur në hotelin Sheraton në Filadelfia, SHBA, ku dasmorët e dy dasmave të ndryshme nga konsumimi i tepërt i alkoolit kanë nisur të shajnë njëri-tjetrin dhe më pas dasma është kthyer në një “luftë “.
Sipas mediave, në këtë ditë organizoheshin dy dasma në salla të ndryshme të hotelit dhe dy nuse sa hapë e mbyll sytë panë se si dita e tyre speciale u shkatërrua kur të ftuarit u përfshinë në një sherr masiv.
Sherri fillimisht ka nisur tek recepsioni, ku dasmorët e një pale kanë ofenduar dasmorët e palës tjetër dhe më pas kanë nisur të rrahurat në recepsion dhe kanë vazhduar deri në sallën ku zhvillohej ceremonia.
Mësohet se policia ka ndërhyrë menjëherë duke arrestuar tre persona si dhe xhaxhai 57 vjeçar i njërës prej nuseve ka gjetur vdekjen, si pasojë e një ataku kardiak./alb-observer.com/