Ketu lexohet cdo e re rreth vdekjes mizore te vajzes 17 vjecare Aishe

First topic message reminder :

Policia zbardh misterin e vrasjes makabre të 18-vjeçares, Aishe Vata në Xhafzotaj të Durrësit. Policia e Durrësit në bashkëpunim me policinë e Krimeve të Rënda kanë arrestuar fillimisht të dyshuarin kryesor për vrasjen e 18-vjeçares, i cili pas dëshmisë në polici ka pranuar krimin. Policia ka gjetur prova të pakontestueshme, të cilat vërtetojnë se autor i krimit është fqinji i familjes Vata, një 80-vjeçar i quajtur Shaban Norja.

Hetimet kanë arritur të zbardhin të plotë historinë e krimit të kryer për pasion. Nuk dihen ende arsyet që çuan në këtë akt të rëndë, por policia sqaron se 80-vjeçari ka pranuar krimin në polici, si dhe ka treguar vendin ku ka fshehur kokën e 18-vjecares.

Me të marrë dëshminë, blutë e Durrësit e kanë gjetur kokën e vajzës të fshehur pak metra larg vendit ku ndodhej trupi i saj. Ata sqarojnë se vajza është qëlluar me armë në kokë, e më pas në mënyrë krejt barbare i është ndarë koka nga trupi me një thikë të mprehtë. Trupi është lënë në vendin e ngjarjes, ndërsa koka është fshehur në arën me misër, pas metra më larg.

Në shtëpinë e të moshuarit, që jetonte vetëm pasi i kishte vdekur bashkëshortja, policia ka ndeshur në prova të pakontestueshme. Është gjetur thika me të cilën ai i ka prerë kokën si dhe njollat e gjakut të vajzës në këmishën, pantallonat dhe rripin e autorit.

Sipas policisë, Aishja është viktimë e abuzimit të 80-vjeçarit që kur ishte 14-vjeç, ndërsa mësohet se ai është edhe i ati i foshnjës që ajo mbante në bark, fryt i këtij abuzimi. Shaban Norja ka qenë i dënuar me 9 vite burg më parë, për një vrasje të mbetur në tentativë, ndërkohë që në banesë mbante armë pa leje.

Ai ka pasur njohje me familjen Vata. Policia sqaron se vite më parë, kur kanë ardhur nga Kukësi, Shabani i’u ka shitur atyre tokën ku kanë ndërtuar shtëpinë. Hetimet për këtë ngjarje që tronditi mbarë opinionin publik, vazhdojnë ende për të zbardhur të tjera detaje.

Muhamet Vata: Vajza më turpëroi, nuk ka më mort në shtëpinë time
Bërja publike e zbulimit të shtatzënisë së 18 -vjeçares ka ngjallur reagimin me habi të familjarëve të saj. Babai i Aishes ka deklaruar për A1 Report se ka mbyllur dyert e mortit në shtëpinë e tij. Që dje, në familjen e Muhamet Vatës nuk ka më mort, ndërkohë që ai e quan histori të mbyllur . “Na çnderoi, na turpëroi familjen, jam shokuar kur e mora vesh. I bija kokës me grushte. Faktin që Aishja ime ishte shtatzënë, e mora vesh pas varrimit. Nuk e dija më parë. E mora vesh nga gazetat. Se po ta dija, nuk do ta kisha varrosur me nderime të mëdha. Por tani e kam mbyllur mortin. Kam anuluar edhe vizitat për “të pestat”. Nuk dua ta diskutoj më këtë çështje”- u shpreh Vata. Sipas tij, askush në familje nuk ka pasur informacion për ndonjë lidhje dashurie të Aishes. Vajza ka qenë aq e mbyllur sa lidhjet intime nuk ia ka besuar as motrave të veta. “Nuk ishte tip i qejfeve ajo. Nuk dilte nga shtëpia. As shoqe nuk ka në fshat. Në shkollë e çoja unë. E nxirrja deri te autobusi i Medresesë dhe e merrja po unë në kthim. Edhe kur i duhej të shkonte për ndonjë punë diku, e kam shoqëruar gjithnjë vetë. Nuk e di se çfarë ndodhi, por ajo ka qenë vajzë e shkëlqyer”-thotë babai i 18-vjeçares. E ndërsa ka varrosur përgjithmonë edhe kujtimin e së bijës, ai shton se ka dyshuar për gjëmën që mund t’i ndodhte në shtëpi. Madje, që kur ka konstatuar se e bija nuk ndodhej aty ka nisur kërkimet me shpresën se së paku do e gjente gjallë. “E parandjeva krimin . Unë kisha disa orë që po e kërkoja dhe kur shkova afër shinave të trenit, më thotë njëra aty që: E more vesh? Kanë gjetur një grua të vrarë te ara e filanit. Direkt më shkoi mendja te Aishja. Pashë disa makina policie që po vinin në atë moment dhe ndoqa drejtimin e tyre. Vrapova me sa fuqi kisha dhe arrita gati njëkohësisht me ata. Policët nuk më linin që të afrohesha, por unë u turra para dhe shpërtheva në lot. E njoha që ishte vajza ime”, thotë Muhameti. E ndërsa tregon momentet e tmerrshme se si ka gjetur trupin e Aishes, ai flet edhe për dyshimet mbi kohën kur dyshohet se vajza e tij ka mbetur shtatzënë. “Më duket krejt e pabesueshme. Gjatë gushtit Aishja ka agjëruar, falej vazhdimisht 5 herë në ditë. Nuk ka shkuar në plazh, ndërsa ka qenë pushim me shkollën. Nuk mbaj mend të ketë shkuar për vizitë ndokund. Nuk e di, nuk e di, jam i shokuar”- të thotë Muhamet Vata. E ndërsa dëshmia e tij ngre më shumë dyshime mbi krimin e ndodhur, prokuroria e Durrësit ka regjistruar ngjarjen duke nisur hetimet për akuzën e “vrasjes në rrethana cilësuese” dhe “dhunimit të kufomës”.



Lindita Çela

Vrasësi bëri seks para se t’i priste kokën Aishes

Shaban Norja, autor i vrasjes makabre të 18-vjeçares Aishe Vata


Nga hetimet e deritanishme, profili i 80-vjeçarit përkon me një maniak ****ual. Të krijosh raporte ****uale me persona me shumë vite diferencë, është karakteristikë e një maniaku ****ual. Shaban Norja mund të ketë pasur dëshirë për t’u lidhur me vajza të vogla”. Kështu deklaroi dje, prokurori Sokol Nishani. Ai thotë se prokuroria dhe policia e Durrësit zbardhën në kohë rekord ngjarjen e ndodhur pak ditë më parë në fshatin Xhafzotaj të Durrësit, ku u masakrua 18-vjeçarja Aishe Vata. Dosja voluminoze me numër 16 49, me mbi 2000 faqe, ka zënë një vend kryesor në tavolinën e prokurorit Nishani.
Në një intervistë për “Gazeta Shqiptare”, prokurori i çështjes tregon se kanë mundur të dokumentojnë plotësisht, se autori i vrasjes makabre të adoleshentes, si dhe babai i fëmijës tremuajsh të saj është 80-vjeçari Shaban Norja.

Ndërkohë, Sokol Nishani sqaron me detaje të gjitha provat e grumbulluara, aktet e ekspertizës dhe dëshmitë e dhëna nga autori i krimit, përfshi këtu dhe skenën e plotë të krimit. Nga dëshmitë e dhëna para hetuesve, të paktën në një rast tjetër, ka rezultuar se Norja përgjonte çiftet e tjera kur kryenin marrëdhënie ****uale, gjë që flet për profilin e tij si maniak ****ual. Po sipas prokurorit Nishani, vetëm viktima dhe autori i krimit ishin në dijeni të shtatzënisë, dhe se, nga hetimet e deritanishme rezulton që raportet e tyre ****uale kanë qenë shumë normale, me dëshirën e të dyve.

Zoti Nishani, çfarë ka rezultuar nga raporti mjeko-ligjor dhe çfarë provash të pakontestueshme rëndojnë mbi autorin e krimit?
Është raporti i parë, i cili na ka vërtetuar faktin se trupi është prerë me armë të ftohta prerëse. Bëhet fjalë për një kosë. Viktima ishte 3 muajshe shtatzënë, konkretisht 12-javëshe. Ky është raporti i parë, sepse jemi në pritje të raporteve të tjera, pasi do të jenë disa të tilla. Rezultatet e ADN-së të kryera në fetus dolën në përputhje me gjakun e autorit. Po kështu, edhe analizat e kryera në rrobat e viktimës dhe të autorit dolën që kishin përputhje me 80-vjeçarin Shaban Norja në momentin e skenës së vrasjes. Konkretisht, pështyma dhe gjurmët e gjetura në trupin e 18-vjeçares, në gjoks dhe në pjesë të tjera kanë përkuar plotësisht. Gjithashtu, edhe gjurmët e gjakut dhe të pështymës të gjetura në këmishën e autorit përkonin me gjurmët e gjakut që u gjetën në tutat e vajzës rreth 100 metra larg prej banesës njëkatëshe që Norja kishte nën ruajtje. Ndërkaq, xhupi i vajzës, me të cilin ka dalë nga shtëpia e saj, i gjetur rreth 1 kilometër larg nga vendngjarja në një vendgrumbullim plehrash, përkon me gjurmët e gishtave dhe djersën e autorit, i cili e ka lënë aty pasi kishte kryer vrasjen, në tentativë për të zhdukur gjurmët e krimit.

Po nga aktet e tjera çfarë ka rezultuar?
Në fakt, raportet nga mjekësia ligjore kanë përfunduar dhe përgjigjet janë gati për t’iu bashkuar dosjes. Pritet që nesër në mëngjes t’i dorëzohen prokurorisë nga ekspertiza mjeko-ligjore. Janë një numër aktesh ligjore, si akti i ekspertimit mjeko-ligjor për kokën, i dokumentuar. Presim rezultatet e ADN-së, të cilat janë bërë. Por janë dokumentuar të gjitha provat, dhe arrestimi i autorit është bërë ditën e diel, në orën 15:30, pasi së bashku me autorin e dyshuar ne shkuam në vendngjarje dhe ndërtuam skemën e krimit. Kjo, në bashkëpunim me inspektorët e krimeve. Shaban Norja na tregoi vendin ku kishte hedhur kokën e viktimës, dhe ku ishte hedhur arma e ftohtë, kosa, - mjeti me të cilin i është prerë koka vajzës 18-vjeçare. Koka e viktimës, gjatë së dielës iu nënshtrua ekspertizës mjeko-ligjore, ndërsa sot (dje) u dërgua në mjekësinë ligjore, për t’iu bërë një ekspertizë e dytë më e specializuar. Më pas, koka është marrë nga familjarët e viktimës.

Ju ka treguar 80-vjeçari se si e masakroi Aishe Vatën?
Autori, në dëshminë që na ka dhënë, ka thënë që viktimën e ka vrarë me armë zjarri, nga pas kokës, dhe më pas ka bërë prerjen e kokës, duke e shkëputur nga trupi. Nga ekspertiza ka rezultuar se vajza ka një goditje me armë pas koke dhe ka një dalje plumbi në afërsi të syrit të majtë, çka vërteton që është qëlluar me armë zjarri. Mbi këtë bazë, edhe kjo do t’i nënshtrohet një analize të detajuar të mjekësisë ligjore, - vendim i marrë ky nga prokuroria. Ndërkaq, trupi i është nënshtruar një ekspertize të hollësishme, për të parë se çfarë dëmtimi ka dhe çfarë mjeti është përdorur.

Nga ekspertiza që i është bërë trupit të viktimës, çfarë është konstatuar?
Nuk kishte asnjë gjurmë dhune, dhe kjo ka treguar që raportet e tyre ****uale kanë qenë shumë normale, me dëshirën e të dyve. Edhe ditën e ngjarjes, të vrasjes, nuk ka pasur ushtrim të dhunës.

Para vrasjes, viktima ka kryer marrëdhënie ****uale me 80-vjeçarin Shaban Norja?
Po. Ka pasur gjurmë sperme. Sipas të gjithë raportit mjeko-ligjor, edhe atë natë kanë kryer marrëdhënie ****uale.

Nga provat që keni mbledhur deri tani, cili është motivi i vrasjes së 18-vjeçares?
Motivi është shtatzënia e padëshiruar që ka pasur vajza. Shaban Norja pretendon që i ka kërkuar Ajshe Vatës të abortonte, por ajo nuk ka pranuar. Realisht s’dihet ende, sepse nga verifikimet dhe provat e prokurorisë raportet midis 18-vjeçares dhe 80-vjeçarit, janë të tilla, që vetëm këta kishin dijeni mbi ngjizjen e shtatzënisë.

Pjesëtarët e familjes Vata, ishin në dijeni të shtatzënisë së 18-vjeçares?
Asnjë person tjetër nuk e ka ditur që çifti ka qenë duke pritur një fëmijë; as nga familjarët e viktimës dhe as nga ata të autorit. Kjo është e verifikuar nga të gjitha veprimet që prokuroria ka kryer deri tani. Lidhja që kanë pasur me njëri-tjetrin dhe i një fëmije në mes, nuk është ditur nga persona të tjerë. Duke përfituar nga ky fakt, autori ka kryer vrasjen, dhe është munduar të fshehë provat e të mbulojë krimin në një farë mënyre.

A ka prova që vajza është përdhunuar që 14 vjeçe?
Në fakt, nuk ka gjurmë të një akti përdhunimi. Autori e pranon faktin që ka pasur raporte ****uale me viktimën, por jo se e ka përdhunuar viktimën. Raporti ka qenë me mirëkuptimin e të dyja palëve. Ne nuk mund ta vërtetojmë kur është kryer akti ****ual për herë të parë, sepse 18-vjeçarja është e vrarë. Ekspertët mjeko-ligjorë na kanë konfirmuar faktin që kjo ka pasur deflorim, zhvirgjërim disa vite më parë.

Çfarë profili ka ndërtuar prokuroria për 80-vjeçarin Shaban Norja?
Personaliteti i 80-vjeçarit do të ndërtohet me ecurinë e mëtejshme të hetimit, duke dokumentuar se çfarë raportesh ka pasur me familjen, me shoqërinë, me femra, me meshkuj. Në një konkluzion timin personal, e konstatuar dhe e evidentuar deri tani, më ka krijuar përshtypjen e një maniaku ****ual. Të krijosh raporte ****uale në mosha me shumë vite diferencë, është karakteristikë e një maniaku ****ual. Ky mund të ketë pasur dëshirë për t’u lidhur me vajza të vogla.

Keni të dhëna nëse 80-vjeçari kishte ngacmuar apo kishte marrëdhënie ****uale me vajza të tjera në fshatin Xhafzotaj?
Jo, deri tani nuk kemi të dhëna në lidhje me ngacmime apo raporte ****uale të autorit me vajza të tjera të fshatit. Por nuk përjashtojmë mundësinë që ai të ketë pasur dëshirë për t’u lidhur me vajza të vogla.

Çfarë ka ndodhur me njërën prej motrave të viktimës, dhe çfarë dokumentesh ka në dorë prokuroria?
Në fakt, ne kemi vetëm dëshminë e Shaban Norjes. Ai ka deklaruar se e ka ndjekur së paku 4 apo 5 herë motrën e Aishes, e cila sipas tij ka pasur marrëdhënie ****uale me një person tjetër në fshat. Ai e ka ndjekur dhe i ka vëzhguar. Ai thotë që kishte lajmëruar babain e saj, Muhamet Vata, që vajza e tij nuk sillej mirë.
80-vjeçari i akuzuar ka thënë, që, pas divorcit së motrës së viktimës nga bashkëshorti, një pjesë të fajit, Muhameti ia ka vënë atij, që në atë kohë ka qenë 76 vjeç. Po sipas dëshmive të autorit, vajza, pas divorcit me burrin, ka thënë që marrëdhëniet i ka pasur me Shabanin. Nëse këto raporte janë të vërteta apo jo nuk dihet, dhe kjo nuk është objekt i hetimit për momentin.

Akt ekspertimi

Sipas akt ekspertimit të nxjerrë nga Prokuroria e Durrësit, mësohet se Ajshe Vata është qëlluar 6 herë me sëpatë nga 80-vjeçari për t’i prerë kokën.

Prokuroria shton me tej se 18-vjecarja është qëlluar me plumb në kokë, e më pas i është prerë koka. Në akt ekspertim Shaban Norja rezulton si i vetmi person i përfshirë në vrasje, pasi siç sqaron prokuroria, nuk ka asnjë element tjetër që përfshin persona të tjerë në këtë ngjarje.

“Shaban Norja akuzohet për vrasje në rrethana cilësuese”, thuhet në akt ekspertim. /Telegrafi/

Gjyshi i Ajshes: “Mbesa ime ra viktimë e një manjiaku pasi nuk kishte nënë që ti hapte zemrën”

Gjyshi i Ajshe Vatës e cila u masakrua barbarisht nga 80-vjeçari Shaban Norja i ka dalë në mbrojtje mbesës duke theksuar se ajo ra preh e një manjiaku dhe duke qenë se ishte pa nënë, ajo nuk mundi që ti rrëfente askujt atë që po i ndodhte. Sipas tij, duke ngelur jetime në një moshë shumë delikate, Ajsha nuk është ndjerë e plotësuar dhe nëse e jëma do të ishte gjallë ajo patjetër do i kishte treguar se cfarë po i ndodhte dhe do kishte arritur të shpëtonte prej Norja-s.
Gjithashtu, Sulejman Vata i ka cilësuar deklaratat e vrasësit në policisi hakmarrje me qëllim dëmtimin e moralit të familjes Vata.
“Përveç abuzimit me Ajshen, Shaban Norja nuk ka abuzuar me dy mbesat e tjera të tij. Ajshja, është kërcënuar dhe ka qenë nën presion dhe asgjë nuk ka bërë me dëshirë, por nga frika.”është shprehur gjyshi i saj./alb-observer.com/

Une habitem edhe me keto manjaka tjer qe ju besojn fjalve te keti kafshe, tash ka mundesi me than gjithcka ky Idijot ngase viktima nuk eshte gjall...

prandaj habitem me gjyqin pse po i nxjer keto fjal!! qe ne vend te denojn ket kafsh njejt me prerjen e kokes edhe ate para publikut ne qendren e tiranes qe te kuptojn te tjeret dhe ma mos e perseritin te njejten gje..
-Ah sa mir do te ishte sikur te jet Sheriati..!!?

me pelqejti shum ky shkrim dhe i vetem ze qe ka ber !!?/ Lexojeni me vemendje..

http://noa.al/news/artikull.php?id=240547

Paqe mbi ty, o Ajshe e bardhë!

Mirsad Sylja

Të gjithë ata që e panë dhe e dëgjuan u tronditën nga ngjarja e rëndë e ndodhur në fshatin, që për ironi të fatit mbante emrin Vëllazërim, aty ku veç vëllazërim s’paska patur, në komunën Xhafzotaj. I madh e i vogël, burrë a grua, i punësuar a jo (preferoj ta citoj këtë ngase kjo frazë është objekt bisede çdo ditë në tryezat tona), në çdo familje, në kafet që gumëzhijnë çdo ditë në vendin tonë, diskutohej kjo ngjarje e rëndë që merr përmasat e një filmi horror. Kësaj radhe një film prej vërteti Ajshe, ku aktorë paske qenë ti dhe Selim Norja. Ngjarje të tilla janë të dhimbshme jo vetëm për faktin se e ndjera torturohet në mënyrën më mizore të mundshme duke i prerë kokën – e për këtë kisha dëgjuar vetëm në luftërat më të ashpra ku Serbi na kish bërë ne Shqiptarëve, por është e dhimbshme edhe për vetë faktin se ëndrrat e saj ndërpriten atëherë kur fillojnë e marrin formë...Gjynah! Dihet që dhembshuria është pjesë e qenies apo natyrës njerëzore, njeriu ka dhimbje për diçka, e njerëzit jashtë kësaj natyre s’e kanë këtë dhimbje; por unë s’dua të merrem shumë me këtë pjesë, aq sa dua të merrem me tronditjen që më solli lajmi i kësaj ngjarjeje. Sa jam i shokuar për atë çfarë ndodhi, aq jam i tronditur se si mundet një njeri i këtij kalibri, ky përbindësh 80-të vjeçar të jetë i lirë, të hyjë e të dalë kudo, të mos monitorohet nga organet përkatëse edhe pse ka bërë 9-të vite burg për veprën penale të vrasjes së mbetur në tentativë, të mbajë pa leje armë zjarri e armë të ftohtë kur t’i dojë qejfi, pa i hyrë ferrë në këmbë. Pas krimit të tmerrshëm që të gjithë po e vuajnë në shpirtrat e tyre, për mua kjo përbën çështjen e dytë të rëndësishme. Si mund të lejohet një person i tillë, më 9-të vite burg të kryera, të jetë i lirë të bëjë atë çfarë bëri me armë të mbajtura pa leje. Si ky ka plot në qarkullim, çfarë duhet të bëjmë ne që të ruhemi prej të keqes së tyre? Kush na garanton ne të tjerëve nga këta përbindësha që mos të na vijë e keqja nga arma e tyre, nga mendimet e tyre dhe nga shpirti i tyre. Në një vend ku edukimi i mbrapsht fillon që në klasën e parë, aty ku babai mëson djalin e tij të shajë mësuesen me libër shtëpie se tashmë ai i duket burrë; në një vend ku angazhohesh që në klasë të parë si të zësh dashnore; në një vend ku mbizotëron kumari e ku lojërat e fatit dhe skedinat janë bërë pjesë e pandarë e jetës së banorëve tonë, aq sa truri funksionon me formulën: 1 – X - 2, 3+ a të ngjashme; në një vend ku divorcet dhe ndarja e çifteve bashkëshortore rritet nga viti në vit, në një vend ku çdo gjë blihet e s’ka barriera, madje edhe shumë persona mund të blesh për çfarë do shërbimi ti të duash..., pra jetojmë në një vend që sot jeta e njeriut, gjaku i njeriut kushtoka më pak se gjaku i qenit! Kjo është për të qeshur e për të qarë njëkohësisht, po po, sepse jetojmë këtu në Albanistan. E keni parë se sa shumë kujdesemi ne për qenin, i blejmë ushqim ku është më i miri në market, i blejmë shampo për ta larë, lustrues të lëkurës e sa të tjera...Hë se desh harrova të përmend, se nganjëherë edhe flemë me të, aty pranë njëri – tjetrit, baça – baça. Për ironi qëllon që na lypë dikush në rrugë 20 lekë ‘aman Zoti të dhashtë”, e ne si Selimi reagojmë: Ik, s’kam! Ti Ajshe shkove, na le... Na le edhe mesazhin e heshtur: ruhuni se horroristë ka shumë, po qarkullojnë të lirë. Ne si shoqëri të jemi të përgjegjshëm e njerëzorë, të mos heshtim por ta themi fjalën e mirë se diku do e gjejë një derë hapur, të bëjmë mirë se duhet bërë mirë e jo keq. Por ama, edhe të ruhemi e të kemi kujdes se këtu ka...çfarë nuk ka..., këtu është bir Selman i nënës kë të qaj më parë?! Ti Ajshe shkove, mbi varrin tënd sot ka lule. Lule kujtimi, lule mëshire. I Madhi Zot të pastë në mëshirën e Tij! I lehtë të qoftë dheu. Paqe mbi ty, o Ajshe e bardhë!

Aisha nuk eshte me ne kete jete.
Ajo humbi femijerine sepse ja mori nje plak, humbi jeten sepse ja mori po ky plak, vetem sa e futen ne dhe sikur te ishte Aisha vet autore e ngjarjes, sepse familja mendoi ne rradhe te pare per nderin.

Por lind pyetja: sa Aishe te tjera ndodhen ne Shqiperi?
dhe cfare mund te bejme per te parandaluar ngjarje te tilla?

Nje tjeter vajze 18-vjecare ndodhet ne burg, sepse vrau dhunuesin e saj, nuk flasin me mediat per te.

Shoqeria shqiptare ka nevoje te informohet sa me shume nga mediat per ngjarje te tilla, sepse dhunime mund te ndodhin ne familje, nga te aferm te familjes, mund te ndodhin neper shkolla, dhe kudo.
Por duhet bere dicka per ti parandaluar ngjarje te tilla, duke filluar nga parlamenti, nga shkolla dhe nga familja.

Neve kemi nje kryetare parlamenti qe eshte femer, mos valle ka bere ndonje deklarim per ngjarjen?

Duhet informacion, informacion, informacion.
Jeta e Aishes te mos shkoje kot por te merret si shembull qe ngjarje te tilla te mos ndodhin me.

Gjyshi i 18-vjeçares: Ajshja u abuzua nga Shabani nën presion dhe kërcënime



Gjyshi i 18-vjeçares: S’ka abuzuar me motrat. Drejtësia, dënim maksimal.
Sulejman Vata: Autori, hakmarrje kundër familjes sonë.
Pendohet në polici 80-vjeçari.
Shaban Norja loton për herë të parë pas rrëfimit gjakftohtë.
“Ajshja më kërkoi ta digjja, mos t’i zbulonin shtatzëninë. E qëllova 6 herë me sëpatë”
Zbardhet kërkesa për gjykim ndaj Shaban Norjes, Prokurori: Vrasja me paramendim, do kërkojmë arrest me burg.
Sulejman Vata, gjyshi i Ajshes, e cila u masa-krua nga 80-vjeçari Shaban Norja, i cilëson si hakmarrje të gjitha veprimet dhe deklarimet e të arrestuarit për vrasje, me qëllim dëmtimin e moralit të familjes Vata. Në një intervistë për gazetën “Panorama”, Vata u shpreh se përveç abuzimit me Ajshen, Shaban Norja nuk ka abuzuar me dy mbesat e tjera të tij. Sipas Sulejman Vatës, mbesa e tij, Ajshja, është kërcënuar dhe ka qenë nën presion dhe asgjë nuk ka bërë me dëshirë, por nga frika. Vdekja e nënës së Ajshes, duke e lënë jetime të bijën në një moshë delikate, ka ndikuar që ajo të mos ndjehet e plotësuar. Kjo justifikon, sipas Sulejmanit, veprimet e mbesës, e cila do të ishte gjallë sot nëse do të kishte treguar se çfarë po i ndodhte.

Cdo cudi zgjate tri dite.. Do harrohet edhe kjo sikurse jane harruar rastet e tjera qe akoma nuk jane zbuluar.. Tmerr !!! Ne cfare shteti dhe vendi po jetojme..

OO c'fare thote ma shkruan dikush shqipen e ketij more se une spo kuptoj gje ose skuptoj asgje nga cka thote sepse kam dale jashte vetes teksa e shikoja...s'mund te perqendrohem

Hetuesit, në pritje të dëshmisë së motrës së Ajshes

Një nga dëshmitë që mund të hedhë më shumë dritë mbi vrasjen makabre të Ajshe Vatës, është edhe rrëfimi i motrës së viktimës, e cila aktualisht ndodhet në Itali. Grupi hetimor ka marrë vetëm versionin e Shaban Norjes, monstrës që vrau dhe i preu kokën 18-vjeçares, pasi më parë kishte një marrëdhënie 4-vjeçare me të, duke e lënë shtatzënë para 11 javësh, i cili ka pohuar se ka pasur marrëdhënie seksuale edhe me motrat e viktimës.

Rrëfimi i “kasapit”, krahas detajeve të marrëdhënies me 18-vjeçaren, ka qenë edhe për miqësinë me familjen Vata para 20 viteve, kur dhe i shiti tokën, ndërsa më pas ka folur për vizitat e vajzave të kësaj familjeje në shtëpinë e tij, ku dhe ka abuzuar me to, në moshë fare të vogël. Ai ka shpjeguar se para se të abuzonte seksualisht me Ajshen, ka kryer marrëdhënie seksuale edhe me një nga motrat e saj, më e madhe, madje këtë histori e ka marrë vesh edhe Muhameti, babai i vajzave, i cili vetëm sa ka prishur miqësinë me të moshuarin.

Burime nga Prokuroria e Durrësit thanë për gazetën “Shqip” se kanë kërkuar një dëshmi të motrës së Ajshes, por ka marrë si përgjigje nga familja se “V.Vata jeton në shtetin italian”. “Ne kërkojmë pyetjen e kësaj shtetaseje, pasi mund të jetë dëshmia kyçe. Ka dyshime se vajza mund të ketë dijeni për raportin e Ajshes me Shabanin, madje edhe kërcënimet që i bënte ky i fundit. Të njëjtin fat, sipas autorit, e ka pasur edhe kjo dëshmitare”, pohojnë burimet nga akuza, që saktësojnë se ende nuk janë mbyllur plotësisht veprimet hetimore, megjithëse deri më tani janë pyetur rreth 50 persona.

Versioni i të moshuarit

Prokuroria thotë se ka vetëm versionin e 80-vjeçarit, i cili është marrë disa herë në pyetje, pas arrestimit tri ditë më parë. Ai ka deklaruar se ka ndjekur së paku 4 apo 5 herë motrën e Ajshes, e cila sipas tij ka pasur marrëdhënie seksuale me një person tjetër në fshat. “Ai e ka ndjekur dhe i ka vëzhguar. Ai thotë që kishte lajmëruar babanë e saj, Muhamet Vatën që vajza nuk sillej mirë. 80-vjeçari i akuzuar ka thënë që, pas divorcit të motrës së viktimës nga bashkëshorti, një pjesë të fajit, Muhameti ia ka vënë atij, që në atë kohë ka qenë 76 vjeç. Po sipas dëshmive të autorit, vajza, pas divorcit ka thënë që marrëdhëniet i ka pasur me Shabanin. Nëse raportet janë të vërteta apo jo nuk dihet, dhe kjo nuk është objekt hetimi për momentin”, pohon prokuroria. Për të gjitha këto dyshime, akuza ka kërkuar me ngulm dëshminë e motrës së Ajshes, megjithëse një gjë e tillë deri më tani nuk ka ndodhur, pasi ajo jeton jashtë kufijve të shtetit shqiptar.

Ariana shkruajti:OO c'fare thote ma shkruan dikush shqipen e ketij more se une spo kuptoj gje ose skuptoj asgje nga cka thote sepse kam dale jashte vetes teksa e shikoja...s'mund te perqendrohem

Teksa e shikon kete video te duket se ai eshte i pafajshem, duket se qane kur flet, te shikosh thua ky eshte nje njeri i mjere dhe nuk ka bere gje... Nuk di pse vetem me duket e pabesueshme kjo qe ky mund te kete bere nje gje te tille.. Por jo cdohere duhet te genjehemi nga fjalet dhe zbukurimet e veprimeve qe i bjene njerezi e tille sikurse ky...

Nuk ke faj Arijana te ngjalle neveri tek sa e shikon...

Monstra nuk pranohet as nga të burgosurit


Plaku varsës i cilësuar nga të gjithë si monstër nuk pranohet as në qelinë e burgut. Të burgosurit e paraburgimit në Durrës u kanë bërë kërkesë autoritetve që ta heqin Dhaban Norjan që aty, pasi ai është ndryshe nga ata. “Plaku monstër të zhduket nga faqja e dheut. Nuk e duam që qelitë tona! Ta dërgojnë ku të duan, të mos rrijë këtu me ne!”. Kështu kanë deklaruar të paraburgosurit, të cilët u kanë kërkuar drejtuesve të këtij institucioni që të marrin masa për largimin sa më parë të të moshuarit, që është cilësuar publikisht si maniak seksual. Reagimi i ashpër dhe i prerë i personave që ndodhen në qelitë e paraburgimit ka përcjellë frikë tek Norja, i cili nuk ka dalë nga qelia e tij as në orarin e ajrimit. Burime nga Paraburgimi i Durrësit bëjnë me dije se ekzekutori i Aishe Vatës, mëngjesin e djeshëm, kur u zgjua, kishte “mbushur pantallonat”. Pavarsisht kërkesës së të burgosur monstra vazhdon të qëndroi në këto ambjente por pa asnjë lloj mbështetje. Sakaq, ditët në vijim do të tregojnë qartasi qëndrimin Norjas në parapurgim./alb-observer.com/

nuk kan mujte me e myte njihere ne dry qenin ? nuk asht asgja me e largu prej qelis se tyne ..ta mysin

Ariana shkruajti:Monstra nuk pranohet as nga të burgosurit


Plaku varsës i cilësuar nga të gjithë si monstër nuk pranohet as në qelinë e burgut. Të burgosurit e paraburgimit në Durrës u kanë bërë kërkesë autoritetve që ta heqin Dhaban Norjan që aty, pasi ai është ndryshe nga ata. “Plaku monstër të zhduket nga faqja e dheut. Nuk e duam që qelitë tona! Ta dërgojnë ku të duan, të mos rrijë këtu me ne!”. Kështu kanë deklaruar të paraburgosurit, të cilët u kanë kërkuar drejtuesve të këtij institucioni që të marrin masa për largimin sa më parë të të moshuarit, që është cilësuar publikisht si maniak seksual. Reagimi i ashpër dhe i prerë i personave që ndodhen në qelitë e paraburgimit ka përcjellë frikë tek Norja, i cili nuk ka dalë nga qelia e tij as në orarin e ajrimit. Burime nga Paraburgimi i Durrësit bëjnë me dije se ekzekutori i Aishe Vatës, mëngjesin e djeshëm, kur u zgjua, kishte “mbushur pantallonat”. Pavarsisht kërkesës së të burgosur monstra vazhdon të qëndroi në këto ambjente por pa asnjë lloj mbështetje. Sakaq, ditët në vijim do të tregojnë qartasi qëndrimin Norjas në parapurgim./alb-observer.com/

Paska mbushur pantollonat ufffaaaaa.. Si nuk i mbushi ateher kur i vuri thiken per t'ia prere koken vajzes, atehere nuk kishte frike tani paska.. Atehere ishte i plotfuqishem tani pse nuk eshte.. Behen trima me gra e vajza e me burra jane vete femije... Si nuk e heqin qafes,,, nje plak matuf qe saher qe hap faqe te shikoj me ngjall neveri...

BeSaa shkruajti:

Ariana shkruajti:Monstra nuk pranohet as nga të burgosurit


Plaku varsës i cilësuar nga të gjithë si monstër nuk pranohet as në qelinë e burgut. Të burgosurit e paraburgimit në Durrës u kanë bërë kërkesë autoritetve që ta heqin Dhaban Norjan që aty, pasi ai është ndryshe nga ata. “Plaku monstër të zhduket nga faqja e dheut. Nuk e duam që qelitë tona! Ta dërgojnë ku të duan, të mos rrijë këtu me ne!”. Kështu kanë deklaruar të paraburgosurit, të cilët u kanë kërkuar drejtuesve të këtij institucioni që të marrin masa për largimin sa më parë të të moshuarit, që është cilësuar publikisht si maniak seksual. Reagimi i ashpër dhe i prerë i personave që ndodhen në qelitë e paraburgimit ka përcjellë frikë tek Norja, i cili nuk ka dalë nga qelia e tij as në orarin e ajrimit. Burime nga Paraburgimi i Durrësit bëjnë me dije se ekzekutori i Aishe Vatës, mëngjesin e djeshëm, kur u zgjua, kishte “mbushur pantallonat”. Pavarsisht kërkesës së të burgosur monstra vazhdon të qëndroi në këto ambjente por pa asnjë lloj mbështetje. Sakaq, ditët në vijim do të tregojnë qartasi qëndrimin Norjas në parapurgim./alb-observer.com/

Paska mbushur pantollonat ufffaaaaa.. Si nuk i mbushi ateher kur i vuri thiken per t'ia prere koken vajzes, atehere nuk kishte frike tani paska.. Atehere ishte i plotfuqishem tani pse nuk eshte.. Behen trima me gra e vajza e me burra jane vete femije... Si nuk e heqin qafes,,, nje plak matuf qe saher qe hap faqe te shikoj me ngjall neveri...

6 here me sepate i ra Besa derisa ja preu koken,jo me thike por me sepate...une seriozisht mundohem te kuptoj ne video ne fund kur e pyet gjykatesi,se cfare pret nga gjykata ai,cfare kerkon? Dicka thote por nje zot e di se c'fare se une nuk mundem ta shikoj me shume ate video....pffffff

Nuk e di se me cka Arijana se nuk kam pasur edhe koh te lexoj detajet por e di se eshte permendur nje mjet preres... Amon se keto gjera vetem ne filma i kemi shikuar tani edhe ne jeten reale po i shohem.. Tmerr !!!
Ani si bene sikur eshte i pafajshem dhe shume me gjakeftohesi flet te te bene po te ishe aty te marresh armen dhe me doren tende t'a vrasesh...
Me heret diku kam postuar se si mundi Ajsha te mos kete fuqi te pakten mos ta ksihte lene ta vriste e te hjekte koken... Edhe po t'a kishte vrare kete monstrum do te ishte si Nazmija tani ne burgje.. Shtet i poshter jemi ne,se kur vrasim te tille njerez kalbemi ne burgje e kur nuk nderrmarim hapa te tille i pesojme vete.. Kesaj i thone HYP SE TE VRAVA, ZDRYP SE TE VRAVA.. (As andej e as ketej)...

Aisha nuk i shpetonte vdekjes,do vritej nga i jati nese mesohej kjo gje se e pam dhe reagimin e te jatit kur u mesuan kush eshte i dashuri dhe babai i femijes qe mbante ne bark Aisha..ai kish mbyllur deren e kish then nuk ka zi ne familjen time,goca na c'nderoi e po ta dija as varrimin sdo ja kisha bere...Mentalitet i prapambetur,me shume i dhembin fjalet sesa evlati i vete...

Po ashtu eshte fatkeqesisht, por tek musliamnet ceshtja e nderit dhe moralit eshte pika me e dobet prandaj,, nuk dua te beje diskutim ceshtjen e fese por jo vetem babai i Ajshes por gjithkush do t'a bente te njejten gje te pakten per muslimanet po them...

Nuk e permenda fene edhe pse thuhet se kane qene njerez besimtare te fese Islame por nuk u kapa me fene se kjo eshte me shume edhe si tradite tek ne,kultura jone e mykur pergjithesisht pavaresisht fese e races qe mund te kete dikush...por nje shtyse me shume behet edhe feja e ritet e saj s'diskutohet....Fajin me te madh e ka vete si prind,ndergjegja e vret qe seshte kujdesur si duhej ose ka heshtur per mos u diskutuar ne fshat per te ruajtur "nderin" e familjes e kur gjerat arriten deri ketu thote se s'dinte gje...per 4 vjet me rradhe dicka do kish rene ne sy,dicka ka kuptuar edhe nga fjalet e njerzve nga konflikti qe paten me gocen e pare qe thuhet se eshte perdhunuar po nga i njejti person etj...Aisha eshte thjeshte nje viktime....

Nuk thash qe ti e permende fene por une e permenda ishte fjala qe ka mbyllur zine.. Nuk ka lidhje kjo .... Por kur te djeget qumshti i fryen kosit.. Keshtu thone...

Familja e Aishes, telefonatë 80-vjeçarit natën e krimit



Monstra Shaban Norja është “penduar si dreqi”. Në qelinë e paraburgimit, ai qan gjatë gjithë kohës për kokën e bukur të Aishe Vatës, të cilën e preu me kosore. Burime nga policia e Durrësit pohojnë se 80vjeçari nga fshati Xhafzotaj nuk pranon të marrë as ushqim. Ndërkohë që burime pranë grupit hetimor bëjnë me dije fakte të reja tronditëse të nxjerra nga akti i ekspertizës mjekoligjore. Prokurori i çështjes, Sokol Nishani, sqaron se pas goditjes me një plumb pas koke, dalja e të cilit është bërë në afërsi të syrit të majtë të 18-vjeçares, shkëputja e trupit nga koka është bërë me një kosore ose sëpatë e vogël.
Sipas Nishanit, autori i krimit e ka goditur 6 herë në qafë viktimën. “Nga aktekspertiza janë vënë re 6 prerje me mjetin prerës, çka do të thotë se pas vrasjes me armë, Norja e ka goditur prenë e tij edhe 6 herë të tjera në qafë për t’i shkëputur kokën nga trupi. Pozicioni i prerjes, kur e ka goditur ka qenë nga ana e majtë e qafës. Autori e ka kthyer kufomën në atë pozicion dhe ka bërë edhe amputimin e kokës”, pohon prokurori Sokol Nishani. Mësohet se 80-vjeçari është pyetur sërish nga grupi hetimor në lidhje me ngjarjen e rëndë. Ai ka deklaruar se i ka mbetur peng që nuk përmbushi amanetin e Aishe Vatës. “Ajo mu lut që ta vrisja, t’i këpusja kokën dhe më pas ta digjja me benzinë. Pasi i preva kokën me sëpatë, qava disa minuta mbi trupin e saj. E mbështolla kokën në 3 qese plasmasi për të mos rrjedhur gjaku dhe e hodha mes kallamishteve në afërsi të shinave të trenit. Nuk munda që ta digjja trupin e kokën e Aishes”, është shprehur vrasësi. Ndërkaq, Shaban Norja ka treguar një tjetër detaj, për një telefonatë që i ka mbërritur pas masakrimit të Aishes. “Pasi kisha mbaruar punë, isha shtrirë në krevat, ndërsa pranë kisha dhe djalin tim që flinte. Më ra telefoni. Ishin familjarët (motra) e Aishes. Ata më pyetën nëse vajza e tyre ishte tek unë. Që të mos lija dyshime u përgjigja vrazhdë: Çdo ajo tek unë”?!
Gjithashtu, burime pranë grupit hetimor thonë se janë zbardhur dhe 4 zarfe me tabulatet telefonike, por tani nuk janë më të domosdoshme për ballafaqimin me Shaban Norjan, pasi është provuar plotësisht se 80vjeçari (akuzohet për “Vrasje me dashje të kryer në rrethana cilësuese”) është autori i krimit makabër. Burime zyrtare nga organi hetimor deklarojnë se janë grumbulluar një numër i madh provash shkencore e laboratorike dhe prova materiale që vërtetojnë se personi i vetëm që ka kryer vrasjen është Shaban Norja. “Nuk ka asnjë element tjetër dyshues që të përfshijë ndonjë person tjetër në vrasje”, thotë prokurori i çështjes Sokol Nishani.

Nuk e di si mund te jetoje me ai me kete ndergjegje.. As kafsha si kafsh nuk do te e bente nje gje te tille.. Edhe sikur te ishte amanet i saj kjo gje nuk i behet kafshes e lere me njeriut ...

pupupu sikur flasim per filma horror,kjo eshte cmenduri seriozisht e dikur duhet te marr fund ky masakrim qe i behet qenies femer ne Shqiperi nga cdo lloj abuzimi ,nuk eshte hera e pare qe lexojme per masakrime si kjo por cdo here jane futur ne arkiv e kur ndodh nje tragjedi e rradhes atehere kujtohemi perseri se cfare po ndodh ne vendin tone..askush sben asgje,askush smerr asnje pergjegjesi..ncncncnc

Norja: Pasi e vrava, qava 10 minuta mbi trupin e saj dhe më pas i preva kokën
Prokuroria e Durrësit administron në dosjen hetimore të vrasjes dhe gjymtimit të Ajshe Vatës, tre procesverbalet e deklarimeve të “monstrës” Shaban Norja. Rrëfimi i tretë i Shaban Norjes, si u dorëzua dhe tregoi
Sokol Nishani, flet për “Shekullin” duke treguar rrethanat e zbulimit të “monstrës” 80-vjeçar Shaban Norja
Mark Brunga\ Flamur Vezaj

Prokuroria e Durrësit së bashku me Policin e Shtetit zbardhin me detaje dosjen penale në ngarkim të “monstrës” 80-vjeçar, Shaban Norja, i cili akuzohet për vrasjen dhe më pas gjymtimin e trupit të 18-vjeçares Ajshe Vata, mesnatën e datës së 10 tetorit në fshatin Vëllazërim të komunës Xhafzotaj në Durrës. Sipas të dhënave që “Shekulli” ka arritur të sigurojë, i dyshuari Norja, që tashmë ka pranuar krimin, është pyetur tri herë nga grupi hetimor i drejtuar nga prokurori çështjes, Sokol Nishani dhe ka dhënë tri versione të ndryshme për marrëdhënien që kishte me 18-vjeçaren. Sipas grupit hetimor, pyetja për herë të parë e maniakut seksual, është bërë të premten, kur i është marrë edhe kampioni i gjakut për analizat e ADN-së. Në këtë procesverbal, Norja mohon përfshirjen e tij në lidhje intime apo edhe në vrasjen e 18-vjeçares, duke u mjaftuar me faktin se kishte njohje me familjen Vata. Procesverbali i dytë i marrjes në pyetje mban datën 13 tetor, ku Norja ballafaqohet me përgjigjen e analizës së ADN-së, ku provohet se ai ishte babai i fëmijës që 18-vjeçarja e kishte në bark. Në këtë deklarim, Norja pranon para hetuesve, se kishte pasur lidhje intime me vajzën, por nuk kishte dijeninë për vrasjen. Të ndodhur në këto kushte, prokuroria ka vazhduar me kërkimin e provave deri mëngjesin e së dielës, datë 14 tetor, kur policia ka gjetur këmishën e gjakosur të Norjes, të fshehur në mesin e disa mbeturinave, provë kjo që e ka vendosur kriminelin e moshuar me shpatulla për muri, duke pranuar krimin. I dyshuari, sipas procesverbaleve, përveç se ka pranuar krimin, e ka rrëfyer atë me lot në sy, duke dhënë detaje për lidhjen e tij me 18-vjeçaren, veprimet e kryera ditën e vrasjes dhe fshehjen e provave. Më poshtë, lexoni pjesët kryesore të deklarimit të Shaban Norjes, të dhëna para prokurorit Nishani më 15 tetor 2012, ditën e diel. Dëshmia “Unë e kam vrarë dhe prerë kokën e Ajshe Vatës...Unë banoj në Shijak së bashku me djalin, nusen e tij dhe fëmijët. Në fshatin Vëllazërim të komunës Xhafzotaj të Durrësit kam pronat. Aty kam ndërtuar edhe vitin 2010, kur unë kam nisur një marrëdhënie intime me Ajshe Vatën. Ajo ishte në klasën e 9-të në shkollën e mesme të Medresesë në Durrës...për këtë lidhje nuk ka pasur dijeni njeri përveç meje dhe Ajshës...Kam qenë te kasollja ime, kur ka ardhur Ajshja dhe më ka provokuar duke m’u hedhur sipër. Ka qenë verë, por datë nuk mbaj mend. Nga ajo ditë ne kemi bërë marrëdhënie seksuale sa herë jemi takuar. Ka pasur raste një herë në javë edhe dy herë në javë...Takoheshim gjithmonë në momentin që ajo kishte mundësi që mos të binte në sy tek familja...Disa herë, me kërkesë të saj i kam mbushur telefonin. I kam dhënë edhe lekë herë pas here, në shuma të ndryshme, 200, 500 apo edhe 1000 lekë. Nuk më kërkonte, por, ia jepja me dëshirë pasi e dija gjendjen ekonomike...unë kisha pensionin dhe kisha shitur edhe disa prona...me familjen Vata deri në vitin 2008 kam pasur hyrje dalje dhe më pas marrëdhëniet tona janë prishur...Disa ditë para ngjarjes, jemi takuar një pasdite, pasi kishte fituar shkollën e lartë për infermieri dhe më tha që ishte shtatzënë. Nuk e besova. I bleva një test-shtatzënie në farmaci dhe ia dhashë kur u takuam dhe doli pozitiv. I kërkova ta abortonte. I ofrova edhe lekë për t’i mbuluar shpenzimet. Ajo nuk pranoi pasi ishte besimtare e fesë islame dhe nuk ja lejonte feja. Unë këmbëngula që të abortonte, por ajo nuk dëgjonte. Njëherë më tha: “më mirë më vrit se sa të abortojë fëmijën”...kemi debatuar disa herë për këtë problem. Nuk doja të merrte vesh njeri as për mua dhe as për atë...të mërkurën, me datë 10 tetor, jemi takuar pak minuta dhe e kemi lënë që në darkë, në ora 23:00 të takoheshim te kasollja ku takoheshim gjithmonë. Në shtëpi, pasi kemi ngrënë bukë të gjithë, kemi rënë për të fjetur. Unë kam hyrë në dhomën time dhe pasi jam siguruar se të gjithë po flenë gjumë, jam ngritur dhe kam veshur rrobat. Kam marrë pistoletën, sopatën e vogël dhe një thikë. Kam dal në oborr duke marrë motorin dhe kam ecur për disa metra në këmbë që mos të bëja zhurmë. Në rrugën kryesore e kam ndezur dhe jam nisur për në fshatin Vëllazërim...Ka qenë ora pak para mesnatës kur ka dalë nga shtëpia Ajshe Vata. E kam pritur dhe kemi ecur për rreth 800 metra nga banesa, në arën afër shtëpisë duke biseduar. Ajo nuk pranonte të hiqte fëmijën dhe më kërkoj ta vrisja (qanë me ngashërim). Kishte frikë nga njerëzit e shtëpisë po ta merrnin vesh që ishte shtatzënë. Më kërkoi ta vrisja e t’i prisja kokën dhe më pas ta digjja trupin me benzinë, që mos ta gjente familja... Duke ecur, sapo kemi mbërritur në arën me misër, unë kam ndalur hapin dhe kam nxjerrë pistoletën duke e qëlluar pas koke me një plumb...(qanë). Pasi u rrëzua, jam ulur në gjunjë dhe kam qarë rreth 10 minuta edhe me zë (qanë)...Pastaj, kam marrë sopatën dhe e kam qëlluar disa herë në pjesën e majtë të qafës duke amputuar. Kam nxjerr nga xhepi qeset që kisha dhe kokën e kam futur në tri qese, për të mos pikuar gjaku. Me kokën në qese kam ecur për rreth 100 metër në drejtim të drejt, duke hedhur kokën në një kanal. Më pas, në krah të djathtë të këtij vendi, rreth 100 metër nga vendi i fshehjes së kokës e kam hedhur sopatën. Ndërsa, po nga vendi i fshehjes së kokës, në krahë të djathtë të saj, rreth 100 metra që aty kam hequr këmishën time, që ishte me gjakosur dhe e kam copëtuar me thikë duke e futur në qese së bashku me thikën dhe më pas e kam hedhur në mbeturinat që ishin anash rrugës kryesore... Pas kësaj, kam marrë motorin dhe jam kthyer në shtëpi në Shijak, aty rreth orës 02:00 të mëngjesit të së mërkurës...”, - thuhet ndër të tjera në procesverbalin e datës 15 tetor 2012, të firmosur nga Shaban Norja në prezencën e avokatit të caktuar kryesisht.

Masa

Sot Shaban Norja përballë togave të zeza

Paraditen e sotme pritet që gjyqtari i gatshëm i masave të sigurisë pranë Gjykatës së Shkallës së Parë në Durrës të marrë në shqyrtim kërkesën e prokurorisë për vleftësimin e arrestit dhe caktimin e masës së sigurisë “arrest me burg” ndaj 80-vjeçarit Shaban Norja. Sipas kërkesës tashmë të dorëzuar, prokuroria kërkon nga togat e zeza vleftësimin e ligjshëm të arrestit të Norjës dhe caktimin ndaj tij të masës së sigurisë “arrest me burg” deri në përfundim të hetimeve. Sipas prokurorisë, mbi të dyshuarin 80-vjeçar rëndon akuza e “vrasjes në rrethana të tjera cilësuese ndaj shtatzënës”. Pritet që sot, Norja të paraqitet para gjykatës dhe të shprehet edhe për akuzat, që nëse deklarohet fajtor rrezikon dënimin jo më pak se 25 vjet burg dhe maksimumi burgim të përjetshëm.

Pyeten rreth 40 persona

Për ngjarjen makabre të ndodhur në fshatin Vëllazërimi të komunës Xhafzotaj të Durrësit, ku mbeti e vrarë dhe e gjymtuar 18-vjeçarja Ajshe Vata, prokuroria dhe policia brenda pesë ditëve ka pyetur rreth 40 persona të ndryshëm. Në mesin e të pyeturve, sipas prokurorisë, janë familjarë të viktimës, shokë dhe shoqe të shkollës së saj, mësuesit si dhe komshinj e të afërm të familjes Vata. Gjithashtu, janë pyetur edhe disa të rinj të fshatit dhe familjarë të shoqeve të saj për ngjarjen. Përveç këtyre, prokuroria ka arritur të sigurojë edhe disa ekspertiza ligjore e shkencore të kryera nga ekspertë të Policisë së Shtetit dhe atyre të Mjekësisë Ligjore. “Janë kryer disa ekspertiza të cilat tashmë janë administruar në dosje dhe jemi në pritje edhe të disa përgjigjeve të tjera, që do të vijnë nga laborator të ndryshëm të policisë shkencore, mjekësisë dhe laboratorit të analizave”, tha prokurori Nishani. Sipas tij, është përfunduar analiza e ADN-së së fetusit dhe të dyshuarit Norja, kanë përfunduar disa analiza biologjike e të gjakut dhe jemi në pritje të përgjigjeve përfundimtare të analizave krahasuese të gjakut të fiksuara në objektet me të cilat e ka kryer krimin i dyshuarin 80-vjeçar. Mësohet gjithashtu, se janë dërguar në laborator edhe sendet e sekuestruara, siç janë thika, sopata apo edhe rrobat e gjetura në mbeturina. “Pas kontrollit të banesës së Shaban Norjës, policia ka gjetur edhe këpucët të cilat autori i kishte veshur ditën e ngjarjes, të cilat janë gjithë baltë, e njëjtë me atë që ndodhet pranë vendit të krimit”, - thuhet nga prokuroria. Nga ana tjetër, të gjithë kompanitë e telefonisë lëvizëse i kanë kthyer përgjigje organit të akuzës, të cilat kanë sjellë shkresat dhe të dhënat analitike të numrave që autori Norja dhe viktima Vata kishin në përdorim. “Do të verifikohen të gjitha thirrjet hyrëse dhe dalëse mes tyre si dhe mesazhet e shkëmbyera”, tha prokurori Nishani për “Shekullin”.



Nishani: Telefonata me motrën e Ajshes “tradhtoi” Norjen

M.Brunga / F.Vezaj

Prokurori i çështjes z.Sokol Nishani, pasditen e djeshme, dha detaje rreth zbulimit të autorësisë së krimit makabër dhe arrestimit të mostrës “vrasës” Shaban Norja. Sipas tij, nga të dhënat paraprake të hetimit, prokuroria me ndihmën e policisë ka arritur të sigurojë prova të pakontestueshme, si materiale ashtu edhe shkencore se autori i vrasjes së 18-vjeçares Ajshe Vata është shtetasi Shaban Norja. “Në këto momente që po flasim, kemi arritur të sigurojmë provat e mjaftueshme, materiale e shkencore që përputhen me deponimet e dhëna nga autori Shaban Norja, çka mund të themi me plot gojën se gjithçka është e dokumentuar. Deponimet e tij përputhen plotësisht me vendin e ngjarjes, janë gjetur sendet e kryerjes së krimit pikërisht në vendet ku ka deklaruar Norja si dhe është dokumentuar shkencërisht, me ndihmën e ekspertëve të Mjekësisë Ligjore edhe atësia e fetusit 3 mujor që ndodhej në barkun e viktimës”, tha prokurori Nishan për “Shekullin”. Sipas prokurorisë, menjëherë pas ngjarjes hetimi është përqendruar në disa pista. “Ndaj 80-vjeçarit Norja, janë ngritur dyshime, pikërisht në momentin kur motra e viktimës, ka treguar se mëngjesin e së enjtes, i kishte telefonuar shtetasit Shaban Norja, duke e pyetur “mos ishte Ajshja me atë”. Kjo deklaratë e motrës ka bërë që emri i 80-vjeçarit të futet në listën e të dyshuarve kryesorë”, - theksoj ndër të tjera prokurori. Sipas tij, Shaban Norja në momentin e mar- rjes në pyetje, ka mohuar lidhjen e mundshme me 18-vjeçaren duke u justifikuar për moshën që kishte. Pavarësisht pretendimeve të Norjes, policia i kishte marrë për analiza të ADN-së gjakun. “Laboratori, zbuloi se ADN-ja e fetusit që ndodhej në barkun e viktimës ishte e njëjta me ADN-n e Norjes. Pas marrjes së kësaj prove, Norja është marrë në pyetje dhe ka pranuar lidhjen që kishte me vajzën 18-vjeçare, por, duke mohuar se e kishte vrarë ai”, tha prokurori Nishani. Pas kësaj prove, sipas prokurorit, policia dhe vetë ai, janë rikthyer në vendin e ngjarjes duke kontrolluar me një perimetër më të gjerë për ndonjë gjurmë të mundshme. “Kemi kontrolluar me duar të gjitha mbeturinat që ndodheshin në zonën përreth vendit të vrasjes. Buzë rrugës, në një grumbullim plehrash, kemi gjetur një qese ku ishte një këmishë e gjakosur dhe e copëtuar së bashku me një thikë. Zbulimi i kësaj prove dhe nënshtrimi i analizës së krahasimit të gjakut me të viktimës dhe Norjes, është zbuluar se ajo i përkiste autorit”, tha prokurori. Sipas tij, ballafaqimi i Norjes me këtë provë e ka thyer këtë të fundit, i cili ka pranuar krimin dhe ka rrëfyer me detaje të gjithë ngjarjen, duke treguar edhe vendin e fshehjes së armëve të krimit dhe kokës së prerë. Sipas Nishanit, autori tashmë ndihet i penduar dhe vetëm qan për krimin e kryer. Sipas tij, pretendimet e Norjes, se vajza i kishte kërkuar ta vriste, nuk mund të merren të mirëqena, pasi që në momentin e parë 80-vjeçari ka tentuar të fshehë krimin e kryer. shekulli.com

Babai i Ajshe Vatës: Ndihem i lodhur, shumë i lodhur. Kur shoh foton e vajzës nëpër televizione apo nëpër gazeta, gati çmendem

Babai i Ajshe Vatës shprehet se gati çmendet kur sheh foton e vajzës nëpër gazeta. Ndjen hidhërim dhe zhgënjim njëkohësisht; që të dyja për vajzën 18-vjeçare, Ajshe, që mëngjesin e hershëm të 11 tetorit iu masakrua nga 80-vjeçari Shaban Norja, pasi kishte abuzuar seksualisht me të ndër vite. Një krim me përmasa horrori, pasi i moshuari nuk u mjaftua vetëm me ekzekutimin me plumb ndaj studentes që ishte në start të Fakultetit të Infermierisë, por edhe i përçudnoi kufomën duke ia ndarë trupin nga koka, që vrasësi e zhduku më pas. Të dyja pjesët iu bashkuan në varr vetëm dy ditë më parë, pas shumë kërkimesh nga ana e Policisë. Në një ceremoni të vogël rivarrimi, arkivoli u rihap sipas riteve myslimane dhe me vulosjen e arkëmortit, Muhamet Vata kërkon që të mbyllë edhe të gjithë këtë histori dhimbjeje për familjen e tij.
“Që kur është arrestuar monstra (kështu e quan Shaban Norjen) kjo do të jetë hera e parë dhe e fundit që flas, pasi kam dëgjuar dhe lexuar shumë të pavërteta. Është manipuluar opinioni publik. Në fakt, do të ishte mirë që në vendin tim të fliste im atë, si kryefamiljar. Ai është ‘zoti’ i parë i shtëpisë”, sugjeron Muhamet Vata, pas një kohe të gjatë bisede. Nga njëra anë ai e ndjen të nevojshme që të sqarojë gjithçka, por nga ana tjetër kërkon qetësi dhe paqe. “Ndihem i lodhur, shumë i lodhur. Kur shoh foton e vajzës nëpër televizione apo nëpër gazeta, gati çmendem. Emrin e Shabanit ia dhashë unë Policisë.”- shprehet babai i vajzës. Babai i vajzës ka bërë këto deklarata në një të përditëshme shqiptarë në mënyrë që të shmangë të pavëretat që media hedh vazhdimisht mbi familjen e tij. /alb-observer.com/

DEBATI I SE DIELES: Vrasja e trefishtë e Ajshes

Nga Kristi Pinderi

Ngjarjet që shoqërojnë vrasjen e 18 vjeçares Ajshe Vata kanë një makabritet të trefishtë.
Makabre është vetë vrasja, mënyra dhe motivet e saj. Prej shumë vjetësh ne dëgjojmë një togfjalësh të tipit: vrasje për motive të dobta. Po të bëni një rifreksim të kujtesës do kujtoni me siguri se disa nga vrasjet më të tmerrshme dhe më makabre janë pikërisht vrasjet për “motive të dobta”. Në legjislacionin shqiptar ka ardhur koha (duke qenë se edhe periudha aktuale deri në dhjetor është periudhë kur priten ndryshime në Kodin penal) që të amendohen disa nene në atë mënyrë që këto vrasje pikërisht se janë “për motive të dobta” të konsiderohen si rrethanë rënduese. Në kodin penal duhet përfshirë për herë të parë edhe koncepti i krimeve për shkak të urrejtjes. Me një amendim të saktë do të kishim kështu një rezultat të dyfishtë të bazuar në ashpërsimin e ligjit që përkthehet troç: dënohesh më shumë në rast se kryen vepra për motive të dobta dhe po ashtu dënohesh më shumë në rast se kryen një krim për motive urrejtje.
Dimensioni i dytë i makabritetit ka lidhje, në mënyrë të përsëritur, me maninë e medias për të na shfaqur detaje horrori, orë pas ore, ditë pas dite, javë pas jave.
E gjithë kjo javë, por në fakt i gjithë viti i fundit ka qenë i mbushur me detaje të kronikës së zezë për të cilat media e ka shumë të qartë se nuk mund ti botojë për shkak të etikës, por ka gjetur një justifikim absurd të tipit: ne nuk i botojmë, por i botojnë të tjerët dhe ne pastaj detyrohemi ti botojmë!
Kjo nuk është fare e vërtetë! Si një person që për 12 vjet e njoh nga brenda si funksionon media shqiptare, ju siguroj se rastet e kronikës së zezë ku ka makabritete për të cilat vetëm filmat horror mund ti përfytyrojnë, rastet e dhunës seksuale, përgjithësisht historitë me seks si dhe historitë spektakolare me një lloj skenografie, apo një fabule të padëgjuar shpesh, jo vetëm që u shpëtojnë radarëve të etikës nëpër dhomat e lajmeve, por ato në njëfarë mënyrë janë edhe objekt gjurmimi. Shkurt: media shet veten me të tilla histori. Mënyra e detajuar si u vra Ajsha do duhet të përbëjë interes profesional për personat që merren me krimet, por jo detyrimisht interes publik! Por edhe komente në formën e titujve, si: Ajsha bëri seks gjatë muajit të Ramazanit (!) janë jo vetëm të panevojshme, por edhe dashakeqe, të liga dhe me synimin për të nxitur debat atje ku nuk ka vlerë ai debat.
I treti dimension i makabritetit në këtë ngjarje, për fat të keq edhe ky i përsëritur, ka të bëjë me mënyrën se si femra trajtohet ende në shoqërinë shqiptare. Një vajzë në profilin e vet në Facebook tregonte e tronditur se si nesër do të ndezë një qiri, e vetme, në sheshin Skënderbej në kujtim të Ajshes dhe në formë proteste për vendimin makabër të të atit për të ndërprerë ceremonitë përkujtimore për të bijën, për shkak të turpit që ai tashmë ndjeka nga fakti që Ajsha nuk paska qenë e virgjër. Turpin e atij babai, duhet ta ndjejmë ne të gjithë, por këtë herë të ndjejmë turp për veten dhe për shoqërinë që po ndërtojmë e në të cilën bëjmë pjesë. Eshtë e njëjta shoqëri që inkurajon dhe duartroket vendimin e atij babai (së fundmi e bën heshturazi ), e njëjta shoqëri që me siguri thotë: po ç’tu desh moj ditëzezë, të kishte ndërtuar babi gjithë atë vilë 3 katëshe, me shkollë ishe, me lek ishe, gjithë të mirat i kishe, ç’tu desh…?!

gazetatem

A.p.S (KATHERINA DIE GROSSE)

Aishe Vata eshte simboli i Shqiperise 2012.

Nje nat pa gjume kalova ,pas ketij lajmi monstruoz.
Krimi goditen mizorisht kesaj rradhe nje vajz te re plot endrra.
Ta kpus koken!!!!!!!!
…kjo shprehje degjohet shpesh si kercnim.
Varferia e detyroi familjen e Aishe Vates te braktiste Kuksin dhe te blinte toke ne Durres.
Pronari i tokes,shfrytezoi miqsine me familjes dhe perdhunoi te mituren qysh ne moshen 13-14 vjeçare.
Vajza heshte nga frika dhe nga turpi.Aisha nuk kishte nene qe t’ja hapte zemren.Heshtja e saj justifikohet me gjakderdhjen qe do te pasonte po te merrej vesh ky krim,qe fatkeqsisht ndodh çdo dite,çdo ore ne shoqerin shqiptare.
Ne listat e gjata neper dyqane,grat,nenat dhe motrat shqiptare shesin cdo dit,pjes-pjes,nderin dhe krenarin femnore.
Varferia te mbyll gojen dhe te ben memece,te ben te durosh poshtrime qe te shkaterroj shpirtin.
Cfar po ndodh ne Shqiperi ne vitin 2012 ??
Njerzit po vetflijohen dhe shoqeria shikon menjeane.
Te fortet,te pasurit,hajdutet,politikanet e gjithpushtetshm bejn ligjin
Pleqt e çmendur po perdhunojn nje shoqeri te tere,vrasin ne mes te bulevardit dhe rinia eshte kthyer ne skllave e fatit.
Merreni koken e Aishes o njerez dhe dergojani Sulltanit atje ne Kryeministri,ajo koke do jete per Sali Berishen si nje trofe.Ai plaku i çmendur kerkon tjua pres koken te gjith atyre ish-te burgosur politik qe prej ditesh jan rrethuar nga policia.
Aishe Vata eshte simboli i Shqiperise 2012.
Ajo ju bind nje bastardi se ishte femije,kerkonte te mbronte ndoshta baben e saj qe te hynte ne gjakmarrje,ndersa sot ky baba e mohon,e perçmon.Ndersa shqiptaret te friksuar nga i çmenduri heshtin dhe durojne te jetojn si krimba ne kete toke te shitur,i bindemi kuçedres dhe jemi strukur si minjt.
Duhet ta mundim friken bashkarisht o njerez,mos lejoni qe te sakrifikohen Aishe te tjera,…ne kete toke qe kullon gjak shqiptari.

me te vertete shume keq.......raste te tilla ne shqiperi po ndodhin shume koheve te fundit gje qe kjo eshte shqetsuese.....shpresojm te mos shohim ngjarje te tilla....

Ajshe Vata, jeta e saj mes dy njerkave


Një gazetë e përditëshme shqiptare ka bërë të mundur zbulimin e historsë së familjes Vata. Gjithashtu, gërrmohet rreth arsyeve që 80-vjeçari Shaban Norja arriti të mashtronte këtë familje prej 12 personash.Ajshe Vata mbeti jetime e dyfishtë në të njëjtën kohë, rreth 7 vjet më parë. Për shkak të sëmundjeve të rënda, humbi njëra pas tjetrës gjyshen dhe të ëmën. Shpejt, dy femrat më të dashura të jetës së saj u zëvendësuan me gra të reja. Gjyshi, Sulejmani dhe i ati, Muhameti, u martuan sërish dhe secili prej tyre lindën fëmijë nga bashkëshortet e dyta. I pari një djalë që sot është 9 vjeç dhe i bie të jetë xhaxhai i Ajshes. Ndërsa Muhameti, pas 5 vajzave me Rrushen, nënën e Ajshes, lindi djalë e vajzë me bashkëshorten e dytë, Teftën, që aktualisht janë 6 dhe 5 vjeç. Dy motrat e mëdha, tek të cilat do të mund të gjente deri diku ngrohtësinë amësore, u martuan shpejt pas humbjes së nënës dhe lindën po kaq shpejt fëmijët e tyre. Kështu, Ajshja mbeti e vetme në vilën e bukur me ngjyrë të verdhë, duke u bërë grua para kohe mes njerkave të dyfishta, që i ndanin vetëm dyert e shkallët; njëra në kat të tretë dhe tjetra në të dytin. Kati i parë ishte i përbashkët dhe i hapur për vizitat. Aty ka bujtur shpesh edhe 80-vjeçari Shaban Norja, vrasësi që ka pranuar tashmë autorësinë e vrasjes së 18- vjeçares dhe abuzimin seksual me të. Një situatë e tillë familjare e ka bërë vajzën që të bëhet përherë e më shumë e mbyllur në vetëvete. /alb-observer.com/

Babai i Ajshe Vatës: Nuk do hakmerrem ndaj familjes së “Monstrës”

“Nuk kam ndërmend të hakmerrem me familjen e Shaban Norjas. Jemi shumë të lënduar dhe të hidhëruar nga tragjedia e vajzës time 18-vjeçare. 80-vjeçari vrau dhe i preu kokën Aishes, ndaj nuk i dua në shtëpinë time të afërmit e tij. Nuk dua të më ngushëllojnë, dhe të më vinë për kafe”. Kështu është shprehur dje Muhamet Vata, përfaqësuesve të Shoqatës Mbarëkombëtare të Pajtimit të Gjaqeve, të cilët paraditen e djeshme shkuan për vizitë në banesën e tij në fshatin Xhafzotaj të Durrësit. Ndërsa ka garantuar se nuk do të bëjë vetëgjyqësi, babai i Aishe Vatës ka refuzuar të shkojë së bashku me pajtuesit e gjaqeve tek varri i së bijës. “Ju jeni të mirëpritur, por vizitat tek varri i takojnë familjes dhe jo juve”, ka deklaruar Muhamet Vata. Ndërkohë, kreu i shoqatës në fjalë, Gjin Marku pohoi se shkuan për vizitë tek familja Vata për të shmangur ndonjë gjakmarrje të mundshme nga ana e familjes së viktimës. Një e përditëshme shqiptare përshkruan me detaj regaimin e babait të vajzës kundrejt përfaqësuesve të shoqatës, si dhe gjendjen në të cilën ndodhet ai.Rreth orës 10:30, përfaqësues të Shoqatës Mbarëkombëtare të Pajtimit të Gjaqeve shkuan për vizitë në familjen e Aishe Vatës, e cila më 11 tetor të këtij viti u masakrua nga fqinji i saj 80-vjeçar Shaban Norja. Pajtuesit e gjaqeve janë pritur tek dera e shtëpisë nga kryefamiljari Muhamet Vata. “Fakti që familja Vata nuk ka kryer ritet mortore ndaj vajzës së tyre sipas zakoneve dhe traditës shqiptare, na detyroi të shkonim në këtë shtëpi. Shkelja e traditës në mbarë opinionin publik ka lënë vend për hipoteza të ndryshme. Ne sot shkuam për t’i respektuar, biseduam për të gjitha, pasi nuk mund të përjashtojmë mundësinë e një hakmarrjeje të mundshme nga familja e viktimës”, tha për një të përditëshme, kryetari i shoqatës Mbarëkombëtare të Pajtimit të Gjaqeve, Gjin Marku. Ndërkohë, Marku bëri me dije se Muhamet Vata është shprehur se nuk ka konflikt të hapur me familjen e Shaban Norjas. /alb-observer.com/

Ekskluzive/Shaban Norja, nesër dhe pasnesër ekspertiza psikiatriko-ligjore

DURRËS - Shaban Norja para se të fillojë përballjen e tij ligjore me togat e zeza për krimin e shëmtuar, që tronditi opinionin publik të të gjithë vendit për vrasjen barbare të 18-vjeçares Ajshe Vata, do të përballet me ekipin mjeko-ligjor të pskiatrisë, të cilët do të konfirmojnë ose jo aftësinë e tij mendore në momentin e kryerjes së krimit. Burime nga prokuroria kanë konfirmuar se, në orët e para të mëngjesit të ditës së premte, i pandehuri Norja do të niset nga qelitë e paraburgimit, ku ndodhej deri tani, në drejtim të Spitalit të Burgut të Tiranës, pasi do të bëhet nga Instituti i Mjekësisë Ligjore të Tiranës akt-ekspertimi i gjendjes së tij psikike.

Për këtë është hartuar që më parë edhe urdhri i lëvizjes së tij nga prokurori Sokol Nishani dhe është lajmëruar drejtoria e burgut për të caktuar skuadrën shoqëruese dhe mjetin konform rregullores për raste të tilla me masat përkatëse të sigurisë. Sipas informacionit paraprak, Norja do të qëndrojë dy ditë nën vëzhgimin e ekspertëve psikiatriko-ligjorë në mjediset e spitalit të burgut, që ndodhet në afërsi të kompleksit spitalor “Nënë Tereza” në Tiranë. Aktet e Eksperimentimit Psikiatriko-Ligjor, që bëhen nga Instituti i Mjeksisë Ligjore, do të jenë edhe fletët e fundit, që do të plotësojnë përfundimisht dosjen hetimore të 80-vjeçarit Norja, i akuzuar për vrasje në rrethana cilësuese. Sipas prokurorit të çështjes, Sokol Nishani, tashmë është bërë grumbullimi i plotë i të gjitha provave ligjore të pakontestueshme për ta përballur Norjen me akuzën para trupit gjykues për vrasjen dhe gjymtimin e trupit të të resë, 18-vjeçares Vata, duke bërë më pas edhe fshehjen e provave të krimit tronditës.

Për Norjen tashmë janë ngritur akuza për vrasje në rrethana cilësuese, marrëdhënie seksuale me të mitur etj. Pas marrjes së process-verbaleve të raportit përfundimtar të ekspertizës psikiatriko-ligjore pritet që çështja e bujshme të kalojë në gjykatë.
Para nisjes për në Institutin e Mjekesisë Ligjore të Tiranës, Norjes i është bërë edhe një kontroll paraprak në Spitalin e Burgut për gjendjen e tij shëndetësore, si edhe nga psiokologët dhe mjeku psikiatër i burgut. Ekipi nuk ka konstatuar asnjë çregullim dhe ka dalë me konkluzionin se i akuzuari ka qenë në gjendje të mirë shëndetësore.

/Shekulli Online/M.B/M.A./

Mjeksia ligjore: “monstra” i ka prerë kokën me vetëdije të plotë 18-vjeçares
Edhe pse ka kaluar pothuajse dy muaj 80-vjeçari “monstër” nuk ka shfaqur asnjë lloj pendimi për vrasjan e vajzës 18-vjeçare.
Ditën e sotme bënë me dije alb-observer.com mjekët psikiatër Gëzim Myftaraj dhe Fatbardha Myslymaj dorëzojnë në prokurorinë e Durrësit akt-ekspertizën për 80-vjeçarin Shaban Norja, i cili më 11 tetor të këtij viti vrau dhe më pas i preu kokën 18-vjeçares Aishe Vata.

Mjekët kanë arritur në përfundimin se ai e ka kryer krimin makabër me koshiencë të plotë.
“As nuk ka vuajtur më parë, dhe as nuk vuan nga ndonjë sëmundje mendore”, është konkluzioni i mjekëve psikiatër në raportin e detajuar dërguar prokurorisë së Durrësit.
Sipas hetuesve të çështjes, dosja në ngarkim të Shaban Norjes nga fshati Xhafzotaj, nuk ka shkuar akoma në Gjykatë, pasi ende nuk është zbardhur raporti përfundimtar i mjekësisë ligjore për trupin e masakruar të 18-vjeçares shtatzënë.
Akt-ekspertiza e plotë është bërë e njohur për opinionin publik nëpërmjet një të përditshmeje shqiptare, e cila citon përfundimin që ka arritur mjeksia ligjore për monstrën 80-vjeçarë./alb-obsrver.com/

Cdo cudi zgjat tri dite pastaj harrohet.. Edhe kjo sa buje te madhe qe beri ngjarja ne fillim tani sikurse u harrua... Njerez te cmendur, prandaj ndodhin cdo dite vrasje te tilla....

Mbyllet çështja e vrasjes së Ajshe Vatës



Prokuroria e Durrësit mbyll dosjen për vrasjen e Ajshe Vatës. 18- vjeçarja shtatzënë u gjet e masakruar dhe pa kokë më 11 tetor në një tokë të djerrë, qindra metra distancë nga shtëpia e saj në fshatin Xhafzotaj të Shijakut. Trupi u gjet krejt rastësisht nga i zoti i tokës në një parcelë misri.

Dy ditë më pas policia arrestoi Shaban Norja, plakun 80 vjeçar banues në të njëjtën zonë, i cili pranoi se kishte kryer krimin. I moshuari kishte pasur lidhje intime me Ajshen që kur ajo ishte 14 vjeçe dhe kishte kryer krimin pasi nuk kishte pranuar të hiqte fëmijën. Prokurori i çështjes Sokol Nishani konfirmoi për Shqiptarja.com se dosja është depozituar në Gjykatën Shkallës së Parë të Durrësit. Ndërkohë gjykimi do të fillojë vitin e ardhshëm. Sipas organit të akuzës Shaban Norja ka kryer i vetëm krimin, duke hedhur poshtë dyshimet për një bashkëpunim të mundshëm

VRASJA



Mesnatën e 10 tetorit, në një parcelë të mbjedhë me mistër në afërsi të banesës së viktimës, në Fllakë- Xhafzotaj, Norja kreu ekzekutimin e 18- vjeçares. Fillimisht e kishte qëlluar me armë zjarri tip pistoletë dhe më pas e ka gjymtuar duke i prerë kokën viktimës me sëpatë me qëllim që ajo të mos identifikohej. Koka u gjet e fshehur disa metra më larg, e hedhur në një kanal. Sipas tij Ajsha kishte kërkuar vetë ta vriste dhe ti prisnin kokën. Shaban Norja akuzohet për vrasje në rrethana të tjera cilësuese, ndaj personit shtatzënë si dhe armëmbajtje pa leje.

vrasesit,nuk dijne per jeten

Gjykata jep “25 vite burg” për monstrën, Norja: I kërkoj falje familjes për humbjen e Aishes
Sapo mori verdiktin final të gjykatës për krimin që kish kryer, monstra Shaban Norja i kërki falje familjes së vajzës për krimin që kish kryer.

Alb-observer.com informon se Norja është dënuar nga gjykata e qytetit bregdetarë më 25 vjet burg, ndërkohë që prokuroria kërkoi burgim të përjetëshëm.

18-vjeçarja Aishe Vata u masakrua mbrëmjen e 11 tetorit të vitit që lamë pas, ndërsa trupi i saj u gjet pak orë më pas në afërsi të mbikalimit të Fllakës në Xhafzotaj, ndërsa koka e së resë u gjet tre ditë më vonë, pas rrëfimit të 80 vjeçarit para oficerëve të policisë gjyqësore./alb-observer.com/

pas vrasje kerkimfalje,cudi!!

Per te vajtur ne parajse nese vdes,i dhimbset fryma e tij me shume nga gjithcka tjeter...

Mire ka kerkuar prokuroria burg te perjetshem pse nuk ia kane dhene, nuk kane faj e kan pare ne cfare moshe eshte nuk do i arrij ti kaloj te gjitha,,,, Monstrat duhet denuar me vdekje jo ne kete menyre...