Zvicër, myslimanët falin Kurban Bajramin në kishë

Bashkësia myslimane e qytezës së Payerne në Zvicër do ta falë festën e Kurban Bajramit në sallën e kishës protestante. Në mungesë të hapësirave të nevojshme për falje, Bashkësia myslimane e kësaj qyteze të kantonit Vaud i është drejtuar Kishës evangjeliste të reformuar për të kërkuar hapësirë për faljen e Kurban Bajramit të besimtarëve myslimanë, njofton e përditshmja “20 Minutes”.

Këshilli sinodal i Kishës e ka pranuar këtë kërkesë atipike, përpos dy letrash proteste që ata i kanë marrë nga besimtarët e tyre. Sipas priftit protestant, Laurent Zumstein, “të refuzosh ta presësh atë, i cili ka nevojë, është të mos jesh në harmoni me Ungjillin”.

Nga ana e myslimanëve, përfaqësuesi i këtij komuniteti në Payerne, Mehdi Shahini, pohon të ketë dëgjuar po ashtu vërejtje nga ana e besimtarëve myslimanë, porse «ata janë të paktë», ka thënë ai.

Për imamin e Gjenevës, Soufiane Mhedjiri, “islami nuk ua ndalon besimtarëve të falen në kishë, me kusht që të mos kenë hapësirë tjetër ku të falen dhe se vendi të mos ketë statuja fetare”. Në këtë rast, kisha protestante i përmbush këto kritere. /albinfo/

Shekulli Online/F.S./

Fal Zotit Numri i muslimave shtohet dhe nuk kan vend , ku ti kryn ritr fetare apo obligimet e tyre..po ashtu kjo eshte edhe nji deshmi e tolerances fetare keshtu se fet duhet te jen motiv dhe shkak per tu bashkuar njerzit dhe per tu dashur mes vete e jo per tu nda dhe tu perca..

Princo shkruajti:Fal Zotit Numri i muslimave shtohet dhe nuk kan vend , ku ti kryn ritr fetare apo obligimet e tyre..po ashtu kjo eshte edhe nji deshmi e tolerances fetare keshtu se fet duhet te jen motiv dhe shkak per tu bashkuar njerzit dhe per tu dashur mes vete e jo per tu nda dhe tu perca..

princo po vjen koha muslimanzim te sundoj bote