Aleksandër Meksi boton albumin “100 Vjet Pavarësi Kombëtare”

Një album historik me dokumente për pavarësinë e Shqipërisë ka parë dritën e botimit pas një pune serioze të ish- kryeministrit Aleksandër Meksi, njëkohësisht një studiues i njohur i historisë së Shqipërisë në bashkëpunim me botuesin Xhevahir Lleshi.
Albumi u promovua sot në mjediset e Hotel Tiranës. Ai përmban një sërë dokumentesh me vlerë historike, të cilat të përmbledhura në një album, japin një tablo më të qartë të rrethanave kur u shpall pavarësia e Shqipërisë. Albumi boton të plotë dhe të rindërtuar me kujdes Aktin e Shpalljes së Pavarësisë si dhe disa dokumente dhe foto thelbësore për atë ngjarje.