Kosovë, vdekshmëria foshnjore, rekord në Europë

Vdekshmëria foshnjore në Kosovë vazhdon të mbetet tepër e lartë, pavarësisht përmirësimeve që janë bërë në këtë drejtim.

Sipas të dhënave të publikuara nga Ministria e Shëndetësisë Kosovare, vdekshmëria foshnjore në vitin 2012 llogaritet në 17 për mijë, rreth dy herë e gjysmë më shumë se në Shqipëri dhe së bashku me Armeninë, në nivelin më të lartë të kontinentit.

Më parë gjatë javës, të dhënat e fundit për vdekshmerine foshnjore ne Shqiperi treguan se ajo është në nivelin e 7,8 foshnjeve për mijë.

Në Kosovë, megjithatë vërehen përmirësime të ndjeshme nga viti 2000, kur ky tregues ishte në 29 për mijë,

”Do të hartojmë një plan operativ pesëvjeçar, i cili do të adresojë problemet kryesore me radhë, në mënyrë që të vazhdojmë të regjistrojmë përparime të tjera pozitive në këtë fushë”, deklaroi ministri i Shëndetësisë, Ferid Agani, në një prononcim për Radion Europa e Lirë.

Sipas Aganit, qellimi i Prishtines zyrtare eshte qe te permiresoje kete tregues ne 10 per mije brenda fundit te kesaj dekade./tch