Hodhi foshnjen nga materniteti, 29-vjeçari mbyllet në psikiatri

Shtrim të detyruar në spitalin psikiatrik. Këtë vendim ka marrë Gjykata e Tiranës për 29-vjeçarin i cili hodhi foshnjën e tij nga kati i katërt i maternitetit “Koço Gliozheni” në Tiranë.


Ka qenë kërkesë e prokurorit kjo masë, e cila është pranuar nga Gjykata. Tashmë Biba do të kalojë gjithë jetën e tij në një qendër psikiatrike, pasi dhe më parë ai rezultoi me probleme mendore.

Në 30 korrik të vitit të kaluar, Biba i ka rrëmbyer nga duart bashkëshortes foshnjen e sapolindur dhe më pas e hodhi nga kati i katërt i maternitetit. Foshnja ndërroi jetë tragjikisht si pasojë e rënies nga një lartësi e konsiderueshme. /albeu.com/