Joshi bizmesmenin për ti bërë shantazh me fotot “e nxehta”, gjobëvënia për fëmijën e jashtëligjshëm

25 vjeçarja Raviola Lila e cila joshi një biznesmen të martuar duke e çuar në shtrat dhe më pas e kërcënonte me anë të telefonit se kishte pamje filmike të cilat do t’ia tregonte gruas së tij nëse nuk paguante, ishte padyshim një personazh i denjë për film thriller.
Nëna e një fëmije tre vjeç i kishte kërkuar shtetasit J.M, 100 milionë lekë në bashkëpunim edhe me tre persona të tjerë, Altin Dardhën, Rustem Koçin dhe Ervin Gjanën.Por pas denoncimit të bisnesmenit, Raviola është arrestuar ndërsa avokati mbrojtjës Bashkim Sulstarova deklaroi para Gjykatës së Krimeve të Rënda një tjetër version që vendos në pikëpyetje gjithë rrjedhën e hetimeve të deritanishme. Kështu motra e njërit prej të pandehurve, Altin Dardhës, ka një fëmijë me kallëzuesin, i cili nuk ka marrë përsipër as edukimin dhe as rritjen e tij. Në këtë mënyrë ai ka vendosur të bëjë vetëgjyqësi duke përdorur skemën e sipërpërmendur me ndihmën e shoqërisë.
Në dosjë është administruar një çertifikatë e lindjes së fëmijës që ka si atësi kallëzuesin J.M. ndërsa gjykata vendosi të pranojë kërkesën e të pandehurve për gjykim të shkurtuar./alb-observer.com/