Mban peng bashkëfshatarin: Më ngacmonte gruan

Korçë - Një lidhje jashtëmartesore i ka kushtuar shtrenjtë një të riu, i cili përveç se ka rënë në duart e bashkëshortit të së dashurës së tij, është dhunuar edhe është mbajtur peng. Kjo ndodhi të dielën në fshatin Bezmisht të komunës Pustec në Korçë. Fqinjët e çiftit e kanë dëgjuar të izoluar në garazhin e makinës në shtëpinë e Kiço Mihalit.

Ata kanë mundur të prishin qepenat e garazhit dhe ta nxjerrin që aty. I riu, me inicialet I.Ç. mosha e të cilit është 25 vjeç, ka denoncuar aktin dhe ka dhënë shpjegimet e tij në policinë e Korçës. Pasditen e së dielës ai ka shkuar në banesën e së dashurës për tu sqaruar me të dhe për të vijuar lidhjen, por ajo e ka “tradhtuar”.

Gruaja ka zgjuar bashkëshortin dhe ky i fundit ka kapur të riun, e ka futur në shtëpi dhe e ka masakruar me grushte dhe mjete të forta. Bashkëshorti i të dashurës së të riut njihet si person me probleme mendore, ndaj policia, edhe pse i ka ngritur akuzë, po e heton në gjendje të lirë.