Erdogani akuzon Twitterin për trazirat në Turqi

Kryeministri i Turqisë Rexhep Taip Erdogan i akuzoi sot rrjetet sociale, veçanërisht Twitterin se janë përgjegjëse për trazirat dhe dhunën në rrugë në Stamboll, Ankara dhe Izmir dhe në dhjetëra qytete në Turqi.
Erdogani i quajti demonstratat “ekstremistë”, ndërsa Twitterin “përçarës më të keq” në shoqërinë turke.
“Në Turqi ekziston një përçarës më i keq dhe ai quhet Twitter“, tha kryeministri turk, duke pohuar se në të mund të gjinden “gënjeshtrat më të mëdha”.
Deklarata e kryeministrit Erdogan vjen pas ripërtëritjes së sotme të protestave në Stamboll dhe Ankara, si dhe në Izmir në vëllim më të vogël.
Prej mbrëmë në disa pjesë të qytetit më të madh të Turqisë, Stamboll janë vendosur barriera, më së shpeshti nga autobusë të komunikacionit urban. Në Izmir demonstruesit edhe sot kanë gjuajtur koktej molotovë ndaj ndërtesës në të cilën gjendet selia e Partisë qeveritare e drejtësisë dhe zhvillimit (AKP) e Erdoganit, përderisa në Ankara demonstruesit janë bllokuar në një qendër tregtare.
Një përfaqësues i Ministrisë turke të Punëve të Brendshme deklaroi se janë arrestuar 1.750 persona, por edhe se pjesa më e madhe e tyre pas dëgjimit nga policia janë liruar.
Asociacioni i mjekëve turq informon se deri më tani janë plagosur një mijë njerëz, vetëm në Stamboll dhe edhe 700 në Ankara.
Demonstratat kanë filluar të hënën e kaluar, si një protestë e qetë kundër prishjes së parkut të Stambollit Gezi në sheshin Taksim, me qëllim që në këtë vend të ndërtohet, siç thonë demonstruesit “qendër tregtare pa vlerë në stilin kuazi otoman”, por së shpejti ato u rritën në demonstrata më masive dhe më të ashpra në Turqi në dekadat e fundit.
Demonstratat tani janë rritur në protesta politike kundër Qeverisë, partisë qeveritare AKP dhe kryeministrit Erdogan. Në protestat në Stamboll, demonstruesit kërkuan dorëheqje nga Qeveria dhe ndërprerje me “islamizimin e shoqërisë turke”.
Eksperti dhe profesori politik në Universitetin “Bosfor” në Stamboll, Koraj Çalishkan deklaroi për revistën e Londrës “Gardian” se kryeministri Erdogan “më askënd nuk e dëgjon”, që sipas tij e sqaron edhe revoltën e të rinjve dhe të opinionit turk.
0 koment

C'lidhje ka ky lajm me kategorine e lajmeve nga trevat shqiptare?!

Zhvendoseni...!

Protestuesit në Turqi kanë hyrë me këpucë në Xhami ku e kanë shkaterraur atë duke pirë cigare dhe alkool!

Tek Rajoni mo Legjende se mbeta duke rregullu temat e tu e nje mije here ta kam then e pervec kesaj mos hap tema te reja per te trguar nje ikone ate mund ta besh ne shume tema te tjera ose ne temat qe flasin per gjendjen atje...

AnGeLiC shkruajti:Tek Rajoni mo Legjende se mbeta duke rregullu temat e tu e nje mije here ta kam then e pervec kesaj mos hap tema te reja per te trguar nje ikone ate mund ta besh ne shume tema te tjera ose ne temat qe flasin per gjendjen atje...

me ke xhan

"Protestuesit në Turqi kanë hyrë me këpucë në Xhami ku e kanë shkaterraur atë duke pirë cigare dhe al"
me
"Erdogani akuzon Twitterin për trazirat në Turqi"

Bshkohen dhe tema zhvendoset tek Rajoni