Francë, 4 marinarë shqiptarë, peng që prej 1 muaji

Fri 14 Jun 2013 - 10:49

Autoritetet franceze kanë bllokuar një anije që prej afro një muaji, në të cilën ndodhen 4 marinarë shqiptarë nga Durrësi. Anija në fjalë, mban emrin “River King” dhe lundron nën flamurin e shtetit të Belizesë, i cili ndodhet në Amerikën Qendrore, raporton “Basse-Normandie”.

Sipas autoriteteve franceze, ajo ka mbërritur në brigjet e Francës që më 15 maj të këtij viti dhe qëndron e bllokuar për shkak të parregullsive financiare. Katër shqiptarët, të cilët kanë rreth një muaj të bllokuar në Francë, janë: Luan Seiko, kapiteni i anijes, Ylber Gjika, Endri Vrushaj dhe Eqerem Elezi.

Anija iu nënshtrua një kontrolli të imtësishëm nga organet kompetente të portit të Granville, i cili ndodhet në perëndim të Francës, në kanalin anglez. Ajo është e ngarkuar me 900 ton zhavorr dhe është e bllokuar për shkak të parregullsive financiare dhe çështjeve teknike, që lidhjen me ndotjen.

Bllokimi i saj është bërë, pasi janë konstatuar 15 mangësi të ndryshme nga regjistri detar dhe është kualifikuar ne mjetet detare që nuk lejohet te ankorohet ne portet evropiane.

Sipas konstatimeve të para, Drejtoria e Ujërave Detare, (DIRM), konfirmoi se anija kishte edhe parregullsi financiare, dhe se marinarët shqiptarë kishin më shumë se tre muaj pa marrë pagat. Kjo është hera e tretë që “River King” ndalohet për parregullsi muajt e fundit.

Denoncimi ka ardhur nga një shoqatë ambientaliste për mbrojtjen e ujërave detare, e cila e cilësoi anijen si një ‘rrangallë’ që nuk duhej lejuar më të lundronte në ujërat evropianë. Laure Talloneau, inspektore e Sindikatës Ndërkombëtare të Punëtorëve, tha se anija ka marrë një pezullim për shkak se nuk ka plotësuar kushtet bazë të lundrimit.

Talloneau, u bëri thirrje autoriteteve franceze që të gjenin një zgjidhje sa më të shpejtë për situatën e katër shqiptarëve. Ishte pikërisht kjo sindikatë, e cila nëpërmjet mediave, bëri që shqiptarëve t’u plotësohen kushtet minimale dhe pritet që së shpejti ata të kthehen në atdhe.

Anija “River King”, pavarësisht se lundron nën flamurin e shtetit amerikanoverior të Belizes, ndodhet nën pronësinë e kompanisë greke “Ionian Marine”, por të drejtën e shfrytëzimit të saj e ka një kompani britanike, e njohur me emrin “Intrada Chartering”, e cila e përdorte anijen për të transportuar zhavorr.

Sipas autoriteteve franceze, “River King”, e cila është e vitprodhimit 1984, u ka një borxh marinarëve prej 60 mijë dollarësh. Për sa i përket katër shqiptarëve, thuhet se ata janë punësuar pa kontratë dhe se nga burimet paraprake, rrogat e tyre kanë qenë nën minimumin e vendosur nga Sindikata Ndërkombëtare e Punëtorëve.

Mësohet se anija është pezulluar për gati një vit nga ujërat evropiane. Bllokimi i anijes, ngjalli mjaft debate në mediat franceze, të cilat ngritën zërin për kushtet në të cilat punonin katër shqiptarët.

Sat 15 Jun 2013 - 17:24

tema kalon tek Aktualiteti Boteror

Francë, 4 marinarë shqiptarë, peng që prej 1 muaji

Francë, 4 marinarë shqiptarë, peng që prej 1 muaji

Re: Francë, 4 marinarë shqiptarë, peng që prej 1 muaji