Vlorë, tenton të vrasë me thikë vëllanë 16-vjeçar, prangoset i riu

Tue 30 Jul 2013 - 17:14

Policia e Vlorës ka parandaluar një krim brenda familjes ditën e sotme. Ngjarja ndodhi rreth orës 15:00, kur dy vëllezër u përplasën fizikisht në lagjen “1 Maji” të qytetit bregdetar.

Mësohet se 26-vjeçari, Ervis Zaçe, qëlloi me thikë vëllanë e tij 16-vjeçar, F. Zaçe dhe më pas kërcënoi edhe persona të tjerë në vendngjarje.

Policia ndërhyri menjëherë duke parandaluar vrasjen. Mësohet se Ervis Zaçe i bëri rezistencë policisë, por në fund u prangos. I plagosuri është dërguar në spital, jashtë rrezikut për jetën.

/Shekulli Online/Përgatiti: E.D/