Trafikonte minorene në Greqi, pranga 35-vjeçarit

Policia e Delvinës ka arrestuar sot të shumëkërkuarin për trafikim të vajzave minorene në Greqi, Elton Ruçin. 35-vjeçari, që njihet edhe me emrin Elton Zhupa, ka qenë i shpallur në kërkim nga Gjykata e Krimeve të Rënda, që prej gushtit të vitit të kaluar, kohë kur u arrestua edhe një nga bashkëpunëtorët e tij.

Sipas Policisë së Delvinës Ruçi bënte pjesë në një rrjet ndërkombëtar të trafikimit të minoreneve dhe të lëndëve narkotike. Më parë, Seksioni kundër Narkotikëve dhe Trafiqeve në Policinë e Sarandës, ka arrestuar bashkëpunëtorin e tij, shtetasin Martin Buzheri 22 vjeç, banues në Delvinë. Arrestimi i Buzherit në muajin gusht dhe shpallja në kërkim e 35-vjeçarit Ruçi, erdhi pas denoncimit që bëri një 16-vjeçare në Policinë e Sarandës, se Elton Ruçi dhe Martin Buzheri e kishin trafikuar të në Greqi.

/Shekulli Online/ E.B./

Ka fillu me u ndier shteti.