Gratë europiane martohen me xhihadistë sirianë

Një numër gjithmonë në rritje i femrave nga Evropa po udhëtojnë drejt Sirisë për t’u martuar me xhihadistë.Pothuajse të gjitha vajzat i njohin bashkëshortët e tyre të ardhshëm në internet. Shumica e nuseve të ardhëshme shohin tek xhihadistët shembullin e mënyrës se si mund të ndiqet një jetë e shëndetshme dhe e drejtë.Numri real i grave mbetet ende i panjohur, por sipas burimeve të “Daily Mail”, dhjetëra gra britanike tashmë janë martuar dhe shumë të tjera janë duke u përpjekur që të bëjnë një martesë të tillë.

Një fenomen i tillë po ndodh edhe në vende të tjera të Europës, prandaj numri i përgjithshëm i grave evropiane që martohen me xhihadistë besohet se shkon në disa qindra.

Artikulli publikohet një javë pasi Londra konfirmoi rastin e parë të një shtetasi britanik, që realizoi një sulm vetvrasës në Siri, për llogari të kryengritësve radikalë që luftojnë regjimin e Bashar al-Assadit. /albeu.com/