Shqiptarët e Kosovës dhe Preshevës mund të punojnë në Shqipëri pa leje pune

Wed 7 May 2014 - 21:25

Duke nisur nga dita e sotme çdo qytetar i Kosovës dhe të Luginës së Preshevës, mund të vij dhe të aplikojë për punë në Shqipëri pa paraqitur asnjë lloj dokumentacioni. Vendimi u bë i ditur nga ministri i Mirëqenies dhe Rinisë Erjon Veliaj, pas mbledhjes së Qeverisë.
“Liberalizuam tregun e punës me Kosovën, ndërsa sot hoqëm procesin burokratik të pajisjes me leje pune. Shqiptarët nga Kosova nuk kanë nevojë të aplikojnë për leje pune apo për certifikata pune. Çdo qytetar i Kosovës dhe nga Lugina e Preshevës mund të aplikojnë për punë në Shqipëri”, tha ministri Veliaj.
Sipas tij, nëse nga Qeveria e kaluar punësimi i qytetarëve të Luginës së Preshevës në vendin tonë përfshihej në ligjin për të huajt, ne nuk e cilësojmë kështu.
“Dua të informoj se 80 për qind e kërkesave nga Kosova janë nga biznesmenë, pra njerëz që krijojnë vende pune, kryesisht nga biznese të vogla dhe të mesme’, bëri të ditur ministri Veliaj.