SLLOVAKI – Presidenti, Andrej Kiska jep pagën e parë në ndihmë të të varfërve

Presidenti i ri sllovak, Andrej Kiska, një milioner filantrop, vendosi të japë pagën e tij të parë në ndihmë të 10 sllovakëve, të varfër apo të sëmurë, në mbarë vendin, njoftoi sot zëdhënësi i tij.
“Tetë familje do të përfitojnë 537, 60 euro nëpërmjet transferimit bankar. Në dy rastet e tjera, presidenti ka dërguar të njëjtën shumë nëpërmjet një mandati postal sepse këto familje nuk kanë llogari bankare”, deklaroi zëdhënësi, Peter Petrus.
”Paga e presidentit për muajin qershor ishte 5 376 euro”, sipas Petrus.
Përfituesit e këtyre ndihmave, zgjedhur nga presidenti me ndihmën e disa organizatave bamirëse do të mbeten anonime”, theksoi zëdhënësi.
Mes tyre bëjnë pjesë persona në gjendje të rëndë shëndetësore, një grua që jeton në një situatë të vështirë financiare dhe një fëmijë i sëmurë”, shtoi ai pa dhënë shumë detaje.
I ri në politikë, Andrej Kiska, 51 vjeç, mori zyrtarisht funskionet e tij më 15 qershor pasi u zgjodh më 30 mars duke mundur kryeministrin Robert Fico.
Pak pas zgjedhjes së tij, ai njoftoi se do të heqë dorë nga paga e tij si president gjatë mandatit pesëvjeçar.tetovanews.info