OKB: Një në dhjetë vajza dhunohen seksualisht
Fri 5 Sep 2014 - 10:27
Në një raport të ri të publikuar nga Organizata e Kombeve të Bashkuara thuhet se rreth 120 milion vajza në mbarë botën, pak më shumë se 1/10, janë dhunuar seksualisht deri në moshën 20 vjeçare.
Agjencia për Mbrojtjen e të Drejtave të Fëmijëve, UNICEF gjithashtu thotë se 95 mijë fëmijë dhe adoleshentë, shumica prej tyre në Amerikën Latine dhe Karaibe, janë vrarë vetëm në vitin 2012
Raporti vë në dukje se fëmijët në të gjithë botën janë të ekspozuar në mënyrë të vazhdueshme ndaj dhunës, duke përfshirë edhe ngacmimet.
Drejtori ekskluziv i UNICEF, Anthony Lake është shprehur se pjesë e dhunës bëhen persona të moshave të ndryshme, fesë, gjeografisë dhe përkatësive etnike.
“Dhuna te fëmijët ndodh në vendet ku ata duhet të jenë më të sigurt, në shtëpi, shkolla dhe në komunitet. Gjithnjë e më shumë kjo po ndodh në lidhjet në internet dhe nga anëtarë të familjes dhe mësuesit”, tha Lake.
Sipas raportit, rreth 6 nga 10 fëmijë të moshës 2 deri në 14 vjeç dhunohen fizikisht në mënyrë të vazhdueshme nga kujdestarët e tyre.
Theksohet gjithashtu se dhuna ndaj fëmijëve në disa vende është e pranuar nga shoqëria ose falet në mënyrë të heshtur dhe shpesh viktimat janë të frikësuar për të raportuar abuzimet.
/ Top Channel
Drejtat e ktij Forumit:
Ju nuk mund ti përgjigjeni temave të këtij forumi
|
|