Duhanpirja e përhapur në 40 për qind të popullsisë, ligji s`funksionon

Duhanpirja në Shqipëri përllogaritet në nivele të larta, rreth 40 %, ndërsa zbatimi i ligjit që ndalon pirjen e tij në ambiente të mbyllura lë për të dëshiruar. Pas 4 vitesh të hyrjes në fuqi të tij, ekspertët propozojnë disa ndryshime si penalizim të individëve dhe ndarje të përgjegjësive të institucioneve. Kryeinspektori i Anglisë, Joan Gray, i cili ndodhet në Shqipëri, vlerësoi se Qeveria ka bërë një hap të rëndësishëm me firmosjen e Konventës Ndërkombëtare për Luftën kundër Duhanit, e miratuar nga OBSH. Por, ai thotë se duhet të jetë përgjegjësia e menaxherëve të lokaleve apo ambjenteve të tjera që ligji të zbatohet.