Irani ‘zbut’ dënimin: Sakineh do varet, nuk do vritet me gurë

IRAN - Vijon ende me bujë të madhe cështja e Sakineh Muhamedi Ashtiani në Iran.

Autoritetet iraniane shprehen se gruaja, e cila ishte dënuar me goditje me gurë deri në vdekje, mund të ekzekutohet me varje.

Qëndrimi i Iranit vjen pasi në mbarë botën pati zemërim për dënimin me vrajsje me gurë ndaj gruas.

Pas reagimit ndërkombëtar, Irani vendosi që të pezullojë planet për goditjen me gurë dhe tani ka shpallur se do ta varë gruan.

Të dielën Malek Ajdar Sharifi, kreu i gjykatës në lindje të Azerbajxhanit, ku gruaja është burgosur, ka bërë të ditur se po studiohet, nëse mund të ndryshohet dënimi i vrasjes me gurë në atë me varje.

Sakineh Muhamedi Ashtiani është shpallur fajtore per vrasjen e të shoqit, ngjarje e ndodhur në vitin 2006.

Ashtiani kishte vuajtur nga i shoqi, që e rrihte atë barbarisht. Avokati i saj tha se i shoqi ishte një person me varësi ndaj drogës.

Përvec dënimit me vdekje, Ashtiani ishte dënuar edhe me 99 goditje me kamzhik, dënim që e ka kryer.

Në ndihmë të saj janë dhe fëmijët, që kanë rrëfyer historinë e dhimbshme publikisht për mediat, duke i bërë të ditur botës mbarë për ligjet e vjetra.

(d.b/TheGuardian/BalkanWeb)