Indi, anulohet një martesë mes dy fëmijëve 1 dhe 3 vjeç!

JAIPUR- Një bashkim mes dy fëmijëve përkatësisht tre dhe një vjeç, e vendosur para 17 vjetësh nga familjet e tyre, u anulua pas zbulimit nga vajza e re, sot 18 vjeç, për martesën e saj të detyruar.Martesa e fëmijëve është e paligjshme në Indi, por ky rast thekson kulturën e vazhdueshme për këtë lloj bashkimi në komunitetet rurale të Indisë tradicionale, të cilët shpresojnë për të përmirësuar sigurinë financiare të çdo familjeje të përfshirë me anë të sistemit të pajës. Para 17 vjetësh, Laxmi Sargara u martua pa dijeninë e Rakeshit, sot 20 vjeç, në shtetin Rajasthan, në perëndim të vendit, pasi familjet e tyre vendosën se kur të rriteshin, ata do të jetonin së bashku dhe të kishin fëmijë.

Pas procedurës së parë të këtij lloji, martesa e tyre u shpall dje ligjërisht e pavlefshme në Jodhpur, në një kontekst të fushatës së gjerë kundër martesave të detyruara të fëmijëve.
"Unë nuk isha e lumtur në lidhje me martesën. U thashë prindërve të mi, të cilët nuk ishin dakord me mua, kështu që kërkova ndihmë", deklaroi vajza e re.
"Tani jam e lirë dhe anëtarët e familjes sime e kanë pranuar", theksoi ajo.

(d.b/BalkanWeb)

cna ngjojn vesh e cna shohin syt...