Krijime të çuditshme me flokë njeriu (FOTOT)

Çmenduria njerëzore dhe krijimtaria nuk ka të sosur. Kerry Howley, një studente e artit në Middlesex University ka bërë një koleksion të tërë me bizhuteri të krijuar me flokë. Në punimet e saj ajo shprehet se ka marrë si vlerësime edhe kritika dhe ndjenjë neverie për punën e saj.

Siç raporton noa.al, një nga punimet më delikate dhe të veçanta është edhe ai i Jenine Shereos ku është bërë një skulpturë e veçantë me flokë për Presidentin e Shteteve të Bashkuara të Amerikës Barack Obama.

Ajo i mbështeti flokët mbi një strukturë dhe duke i lagur me ujë i shtriu në formë të tillë që të krijonte një skulpturë të Obamës.

Mësohet se vepra e saj u bë për të festuar vizitën e Presidentit të Shteteve të Bashkuara të Amerikës në Kinë, duke bërë statujën me flokë njeriu.

Parukierja kineze harxhoi shtatë ditë dhe netë për të bërë Obamën me flokë dhe për këtë vepër iu deshën 4 kilogramë flokë.

Bashkangjitur paraqiten edhe disa krijime të tjera të bëra me flokë njeriu.

a.y/noa.al