Serbia me “mekanizma” për ta penguar Kosovën në OKB, FIFA, UEFA.

Kryeministri i Serbisë Ivica Daçiq ka thënë se Beogradi do të aktivizojë të gjithë mekanizmat që të pengojë përpjekjet e Prishtinës që të nisë procedurat e pranimit në organizata të ndryshme botërore.

"Po qe se ndodhim këtë përpjekje, do t kërkojmë sqarime nga Brukseli në raundet e takimeve me Catherine Ashton”, ka thënë Daçiq për gazetën serbe Novosti.

Kosova mund të marrë pjesë vetëm në organizata rajonale me fusnotën obligueshme në dokumentet e këtyre takimeve që të mos prejudikohet statusi, thotë kjo gazetë.

Shefi i diplomacisë serbe Ivan Mërkiq përkujton se ende është në fuqi instruksioni i qeverisë që në takime të insistohet për fusnotën dhe se pala serbe duhet ta braktisë takimin nëse ajo nuk respektohet.

Po ashtu, sipas tij, janë në fuqi instruksionet që të pengohen të gjitha përpjekjet e Kosovës për anëtarësim Këshill të Evropës e në OSBE. Ngjashëm përkujton gazeta, janë në fuqi edhe instruksionet që të pengohet anëtarësimi i Kosovës në OKB ose dhe në organizata sportive si FIFA, UEFA i FIBA.

Novosti qahet që Kosova është bërë anëtare e FMN-së dhe e Bankës Botërore, por për këtë gazeta fajëson shtetet si SHBA, Britaninë e Madhe dhe Gjermaninë.