Procedurat e regjistrimit në shkollat e larta në Shqipëri, këtë vit do të jenë të ndryshme nga ato të një viti më parë. Nga tre faza nëpër të cilin kalonte ky proces vitin e kaluar, tani sipas udhëzimit që ka nxjerrë Ministria e Arsimit dhe Shkencës së Shqipërisë regjistrimi do të bëhet me dy faza.Në udhëzimin përkatës të Ministrisë së Arsimit dhe Shkencës së Shqipërisë jepet edhe afati i fundit që Agjencia Kombëtare e Provimeve ka për shpalljen e fituesve. Ndërkohë data 11 shtator është vendosur të jetë edhe afati i fundit, kur lista me renditjen sipas parimit meritë-preferencë do të bëhet publike.Nga ana tjetër ata kandidatë, të cilët nuk kryejnë regjistrimin paraprak brenda datave të përcaktuara në udhëzim humbasin të drejtën e regjistrimit dhe të vazhdimit të studimeve të larta.