Kronika e zeze - Lajmet ditore

Wed 15 Feb 2012 - 19:32 Message reputation : 100% (1 vote)

First topic message reminder :

Ketu mund te postoni cdo lajm qe ka te bej me kroniken e zeze,pra vrasje,dhune etj..

Thu 8 Mar 2012 - 16:25

Plagoset me thikë në sy 15-vjeçari, s’e njohu autorin
TIRANE – Një 15-vjeçar u qëllua me thikë, por arriti të mbijetojë nga një sulm i dhunshëm teksa kthehej në shtëpi pasditen e së martës në Babrru të Tiranës. Mjekët kanë thënë se i dëmtuari ka humbur shikimin nga goditja me thikë në syrin e majtë. Ngjarja e rëndë ndodhi në periferi të kryeqytetit dhe adoleshenti i plagosur ka deklaruar për policinë se nuk e ka njohur autorin e ngjarjes dhe nuk arrin ta shpjegojë as arsyen pse është sulmuar. Burime nga Policia thanë se kanë qenë kalimtarët e rastit që e kanë gjetur 15-vjeçarin Klodian Ç. të gjakosur dhe të shtrirë në rrugë dhe menjëherë kanë lajmëruar në sallën operative, pasi e kishin transportuar në Spitalin Ushtarak. Efektivat e Komisariatit Nr. 5 shkuan menjëherë në vendin e ngjarjes, ku bënë këqyrjen, por pa arritur të gjenin ndonjë provë të vlefshme për hetimin. Ndërsa dy oficerë të krimeve kundër jetës dhe shëndetit kanë pritur përmirësimin e gjendjes shëndetësore të 15-vjeçarit, në mënyrë që të merrnin deklarimet e tij. Adoleshenti i është nënshtruar një ndërhyrjeje kirurgjikale, por sipas mjekëve, goditja në sy ka qenë mjaft e rëndë dhe për pasojë ai e ka humbur shikimin nga syri i majtë. Ndërsa plagët në trup kanë qenë pa ndonjë problem serioz. Pasi ka dalë nga reanimacioni, Klodiani është marrë në pyetje, por dëshmia e tij nuk e ka ndihmuar grupin hetimor për të identifikuar autorin apo për të mësuar motivin e ngjarjes. Adoleshenti ka shpjeguar se nuk e ka njohur autorin, por mban mend që ai ishte rreth 18 vjeç dhe kishte veshur xhinse, një xhup të kuq dhe bluze të bardhë. Gjithashtu ai ka treguar se nuk ka konflikte me asnjë person dhe nuk i di arsyet e sulmit ndaj tij. Pas përshkrimeve të marra nga policia në lidhje me autorin e ngjarjes, oficerët e hetimit të krimeve kanë nisur punën me qëllim gjetjen e personave që mund ta njohin ose të identifikojnë autorin e krimit.

Fri 9 Mar 2012 - 17:46

SHBA, sulm në spitalin psikiatrik, 2 vdesin, 7 plagosen

Kronika e zeze - Lajmet ditore - Faqe 2 52119

SHBA- Dy persona u vranë dhe shtatë të tjerë u plagosën gjatë një sulmi me armë në një spital psikitarik në qendrën e universitetit te Pistburgut në SHBA.

Policia deklaron se një prej viktimave është personi që ka qëlluar me armë.

Nuk është ende e qartë nëse të vrarët janë pacientë, familjarë të tyre apo nga personeli mjekësor. Policia rrethoi menjëherë vendin e ngjarjes ndërkohë që ka evukuuar të sëmurët në një spital tjetër.
(ma.ar/News24/BalkanWeb)

Fri 9 Mar 2012 - 17:47

spo e marrim vesht kush jane te cmendur ato qe jane brenda spitalit apo ate qe i viziotojne

Fri 9 Mar 2012 - 19:07

Italianët vrasës me pagesë për shqiptarin në shenjë hakmarrje për mbesën e vdekur

Kronika e zeze - Lajmet ditore - Faqe 2 52143

TORINO-Policia italiane ka mundur të zbardhë tentativën për vrasjen e një shqiptari, ngjarje që ngjan me skenat e një filmi vërtet dramatik. Policia e Torinos bëri të mundur prangosjen e shtatë personave të akuzuar si organizatorë të krimit dhe tentativës së vrasjes së shtetasit shqiptar Silvester Cerriku, 31 vjeçarit shqiptar i gjetur në prag të vdekjes në rrugë, shtatorin e vitit të kaluar.

Siç raporton agjencia e lajmeve ANSA, shqiptarin edhe pse e aksidentuan me makinë dhe e plagosën në kokë me pistoletë pistolete arriti mrekullisht të shpëtonte duke pësuar një dëmtim të rëndë cerebral, i cili e pengon të kthehet në normalitet, pasi prej një kohë të gjatë qëndroi në gjendje kome.

Pas 6 muaj hetimesh policia italiane arriti në përfundimin se ekzekutimin e shqiptarit e kërkuan 2 xhaxhallë të nuses italiane sepse e konsideronin 31 vjeçarin si përgjegjës për vetëvrasjen e mbesës, ish-gruaja e shqiptarit dhe për këtë paguan 5 vrasës me pagesë.
Xhaxhallarët premtuan 50 mijë euro për ekzekutimin e Cërrikut. Këtë ia ngarkuan shtetasit Ervin Xhakosi, 26 vjec, banues në Verona. 26-vjecari kontaktoi me 4 italianët, Giovanni Tamburrino, 34 vjec; Antonio Improta, 25 vjec; Michele Bevilacqua, 20 vjec, të gjithë banorë të Borgomanero (Novara); si dhe me Gaetano Troilo, 28 vjec nga Varese..
Grupi zbuloi vendin ku jetonte Cërriku dhe projektuan ekzekutimin e tij.

Cërriku i cili jetonte si emigrant në Itali më 2 shtatior ishte ngritur si çdo mëngjes për të shkuar në punë në Corso Torino, ku ishte punësuar në Shërbimin e Gjelbërimit prej rreth një viti.

31 vjeçari ishte duke ecur qetësisht teksa u përplas nga një makinë e cila po ecte me shpejtësi dhe nga përplasja Cerriku thyeu këmbën e majtë, por nuk mbaroi me kaq. Pasi e shtypi, agresori zbriti nga makina dhe e qëlloi me plumb në kokë duke i përshkuar plumbin përmes trurit, duke bërë që të humbë një sasi të madhe gjaku.

Sakaq pas kësaj autori i ngjarjes hipi sërish në makinë dhe u nis me shpejtësi, ndërsa disa shoferë pikasën të plagosurin dhe thirrën shërbimin e urgjencës.

Pas kësaj shqiptari u dërgua me urgjencë në qendrën spitalore të Torinos në gjendje kome, duke e bërë gjendjen e tij shumë kritike.

Policia nisi menjëherë hetimet për këtë, ndërsa ndihma e vetme e policisë ishin imazhet e regjistruara nga telekamerat e vendosura në ambientet e jashtme të një marketi në afërsi të vendit të ngjarjes.

Më pas ishin familjarë të 31 vjecarit që rrëfyne në policia se familjari i tyre kishte konflikt me krushqit italianë pasi familjarët u betuan se do hakmerreshin, pas vdekjes së vajzës së tyre.

Në 3 shtator të vitit 2009, Silvester Cerriku u martua me një vajzë italiane nga Borgomanero të quajtiu Livia, ku nga martesa e tyre erdhi në jetë një djalë i cili sot është dy vjeç.
Por, vetëm pak pas martese, problemet mes çiftit sa vinin e shtoheshin, deri në momentin që vajza u gjet e vdekur pasi kishte rënë nga kati i dytë.

Siç raporton ANSA, pas kësaj ngjarje familjarët e Livias u betuan se do ta bënin të paguante për vdekjen e vajzës së tyre, pasi ndonëse nga ekspertiza pista më e mundshme e vdekjes së Livias, mbeti vetëvrasja.

Ndërkaq sipas miqve të të riut thuhet, se pas vdekjes së bashkëshortes, ai nuk dilte më as të shtunave për të pirë diçka, por punonte i sforcuar me shpresën për të rimarrë djalin, i cili që nga vdekja e së ëmës jetonte me gjyshërit.

Pas këtij kalvari ngjarjesh 31 vjecari sot ndodhet në spital komplet i pavetëdijshëm për shkak të dëmtimeve në tru, kurse 2 familjarët e ish-gruas dhe 5 ekzekutorët janë në burg pasi u pre fletëarresti nga Gjykata e Torinos.

(d.b/BalkanWeb)

Sun 11 Mar 2012 - 20:23

Durrës, shkëmbim zjarri mes të rinjsh, pranga 36-vjecarit me precedentë penalë

Kronika e zeze - Lajmet ditore - Faqe 2 49035_7

DURRËS- Shkëmbim zjarri mes disa të rinjsh, ka tronditur në orët e mbrëmjes (rreth orës 18:55) qytetin e Durrësit.

Burime të policisë së qytetit bregdetar bëjnë me dije se përplasja me arme, e cila fatmirësisht ka përfunduar pa lëndime në njerëz ka ndodhur pasditen e sotme në zonën e plazhit në vendin e quajtur ‘Rrota e Kuqe’.

Nga hetimet paraprake policia bën me dije se ka arrestuar shtetasin Indrit Dulen, person me precedentë penalë, ndërkohë që i ka sekuesteruar armën tip pistoletë, të cilen e ka perdorur ne ngjarje.

Policia ka nisur hetimet për zbardhjen e përplasjes si dhe për arrestimin e personave të tjerë të përfshirë në incident.

3 vite më parë 36-vjecari Indrit Dule është arrestuar nga policia me akuzën “vrasje e mbetur në tentativë”, ku së bashku me dy persona të tjerë kanë tentuar të vrasin një efektiv policie. Gjithashtu Dule është dënuar më parë për heqje të paligjshme të lirisë së personave të tjerë.
(el.me/BalkanWeb)

Tue 13 Mar 2012 - 15:29

Fier, 44-vjecarja tentoi të hidhet nga ballkoni, në gjendje te rende psikologjike

Kronika e zeze - Lajmet ditore - Faqe 2 51194_2

FIER- Eli Myrtollari 44-vjece tenton të hidhet nga ballkoni i një pallati në Fier.

Gruaja nënë e një vajze 16-vjecare të martuar në një fshat të Fierit ka nisur që herët në mëngjes të manifestojë sjellje të cuditshme. Gruaja ka nisur të hedhe sende nga ballkoni i pallatit ku banon, të godasë dyert e fqinjëve dhe rreth mesditës të kërcënojë se do të hidhet nga ballkoni.

Forca të shumta policore dhe zjarrfikëse te cilat mberriten ne vendngjarje negociuan me gruan.

Fqinjët deklaruan se gruaje ishte në gjendje të rëndë psikologjike dhe sot është shprehur e shqetësuar se i kanë grabitur vajzën e saj, 16-vjecare. Ndërkohë në vendgjarje mbërritui dhe vajza e saj që i kerkoi nënës të mos ndërmarrë asnjë masë ekstreme për jetën.

(d.b/BalkanWeb)

Tue 13 Mar 2012 - 15:30

gjynah, te biesh ne gjume ne rregull e te cohesh e cmendur ca spo degjojme

Tue 13 Mar 2012 - 17:43

Greqi, 12 vjecarja shet foshnjën e saj 10 javëshe

Kronika e zeze - Lajmet ditore - Faqe 2 48622_1

ATHINE - Një vajzë 12-vjecare është arrestuar nga policia, sepse ia shiti fëmijën e saj 10 javësh një cifti, për shumën 12. 500 euro.

Fatmirësisht cifti ishin policë të veshur civilë, që po hetonin cështjen dhe jo blerës të vërtetë.

Sipas të përditshmes ‘Athens News’, pritet që cështja të dëgjohet nga një gjykatës dhe më pas vajza të lihet e lirë, për shkak të moshës.

Së bashku me nënën e mitur, në pranga kanë përfunduar halla e saj 44 vjecare dhe prindërit e saj, 65 dhe 71 vjec.

Ngjarja ndodhi në Xrysoupoli, një qytezë pranë Kavala, (Greqia qëndrore), ndërsa policia ishte informuar nga burime të saj, për situatën që do të ndodhte .

Për ta bërë ngjarjen të vërtetë, agjentët morën dhe para me vete, me qëllim që shitja e bebes të realizohej dhe personat që e kryenin atë, të kapeshin në flagrancë.

Policia e dërgoi beben në spital, ku dhe ndodhet aktualisht nën vëzhgimin e mjekëve.

(d.b/BalkanWeb)

Wed 14 Mar 2012 - 10:32

Tragjedi në Zvicër, përplaset autobusi me fëmijë, 28 të vdekur

Kronika e zeze - Lajmet ditore - Faqe 2 52281

ZVICER - 28 të vdekur, mes të cilëve 22 fëmijë, dhe 24 të plagosur është bilanci i një aksidenti tragjik në Zvicër. Aksidenti ndodhi ne kantonin Valais, në kufi mes Zvicrës dhe Italisë, kur autobusi me fëmijë nga Belgjika, u përplas me murin e një tuneli. Mes viktimave janë edhe dy drejtuesit e autobusit.

Aksidenti ndodhi në orët e vona të mbrëmjes së të martës në qytetin Sierre, ndërsa në autobus udhëtonin 52 persona. Fëmijët ktheheshin në shtëpi pas një jave pushimi në Alpet zvicerane.

Autoritetet bënë të ditur se pjesa më e madhe e fëmijëve ishin rreth 12 vjeç. Disa prej të plagosurve u dërguan me helikopter në qytetin e Lozanes, Bernes dhe në disa qytete të tjera zvicerane. Policia ka nisur hetimet për shkaqet e këtij aksidenti tragjik.

(er.nu/BalkanWeb)

Thu 15 Mar 2012 - 19:16

I zë korenti në kabinën elektrike, vdesin 2 të rinj

Kronika e zeze - Lajmet ditore - Faqe 2 36570_5

TIRANË-Dy persona kanë ndërruar jetë si pasojë e kontaktit me elektricitenin. Ngjarja është shënuar sot pasdite rreth orës 18:00 midis Tiranës dhe Elbasanit, pikërisht në Qafë Krrabë ne nje kabine elektrike.

Dyshohet se dy personat Valter Hasmuça, 21 vjeç dhe Aleks Peci 18 vjec kanë qene duke vjedhur nje kabell elektrik tek kabina, por nuk kane mundur pasi kane rene ne kontakt me rrymen elektrike dhe si pasoje jane shkrumbuar.

Policia konfirmon dyshimin për grabitje të kabinës elektrike pasi të dy të rinjtë ishin proceduar më parë për vepra të ndryshme penale.

Dyshohet se kabllot elektrike do te zhvishenin nga 2 të rinjtë me qëllim nxjerrjen e bakrit, të cilin më pas do e shisnin për të fituar para.

(d.b/BalkanWeb)

Thu 15 Mar 2012 - 19:22

Fier, sherr në këshillin e qarkut, plagoset këshilltari

Kronika e zeze - Lajmet ditore - Faqe 2 46346_44

FIER - Vijon ende konflikti për kreun e Këshillit të qarkut të Fierit, ndërsa sot sherri ka përfunduar me dy të lënduar, mes tyre këshilltari i majtë Flamur Buzi.
Ngjarja ka ndodhur paraditen e sotme në godinën e qarkut, kur këshilltari Buzi ishte paraqitur për të marrë disa dokumente.

Ai është konfliktuar me fjalë me disa mbështetës të Artur Shehut, i shpallur nga koalicioni ‘Aleanca për Qytaterin” si kryetar i Këshillit.

Sherri ka degjeneruar në përdorimin e mjeteve të forta si pasojë e të cilave ka mbetur i lënduar këshilltari i majte Flamur Buzi dhe një qytetar që ndërhyri për të shuar sherrin Alket Sula.

Ndërsa policia ka shoqëruar disa persona në lidhje me ngjarjen, fillesa e së cilës vazhdon të mbetet çështja e kreut të qarkut, ende e pazgjidhur nga proceset gjyqësore në Vlorë dhe Fier.

(er.nu/news24/BalkanWeb)

Thu 15 Mar 2012 - 19:27

Kavajë, procedim penal për kreun e Bashkisë, Elvis Roshi

Kronika e zeze - Lajmet ditore - Faqe 2 44698_2

KAVAJE - Procedim penal në gjendje të lirë për kryetarin e Bashkisë së Kavajës, Elvis Roshi. Policia e Kavajës njofton nisjen e procedimit penal, pas kallëzimit të bërë nga shtetasi Elidon Plaku, me detyrë drejtor i ndërmarrjes së Ujësjellës-Kanalizimeve në Kavajë.

Sipas tij, një ditë më parë Elvis Roshi ka shkuar në institucionin e Ujësjellësit me pretendimin se kjo ndërmarrje i përket Bashkisë, duke kërkuar shkarkimin e drejtorit Plaku dhe zhvillimin e një mbledhjeje për të zgjedhur drejtorin e ri.

Ky ka qenë dhe shkaku i konfliktit mes dy zyrtarëve. Më pas drejtori i Ujësjellësit ka bërë kallëzim penal ndaj Roshit. Për këtë arsye, policia ka nisur procedimin penal në gjendje të lirë ndaj kreut të Bashkisë së Kavajës.

(er.nu/BalkanWeb)

Fri 16 Mar 2012 - 15:03

Masakron me thikë ish të fejuarën në dhomën e gjumit

Kronika e zeze - Lajmet ditore - Faqe 2 Plagosje_thike

Saluzzo, 16 mars 2012, NOA- Policia e Saluzzos në Itali ka vënë në pranga një 32 vjeçar shqiptar me iniciale N.E, pasi gjatë natës që lamë pas ka masakruar me thikë në dhomën e gjumit ish të fejuarën e tij, 29 vjeçaren nga Maroku e cila mban inicialet T.K.

Siç raporton agjencia e lajmeve noa.al, shkak për këtë ngjarje u bë një zënkë mes çiftit për motive xhelozie çka kishte provokuar edhe krisjen e raportit.

I terrorizuar nga ajo që kishte bërë shqiptari e dërgoi vetë në spital vajzën e cila u fut me urgjencë në sallën e operacionit.

Vajza e cila ndodhet edhe aktualisht në gjendje kritike sipas mjekëve thuhet se ka shënuar përmirësim.

Sakaq lidhur me këtë rast autori i ngjarjes u dërgua në ambientet e paraburgimit në Morandi, ku para policisë pranoi se e kishte goditur me thikë 29 vjeçaren pasi nuk e pranonte dot që ish e fejuara e tij të ndahej nga ai.

a.y/noa.al

Sat 17 Mar 2012 - 11:06

Kukës, 40- vjecarja e zhdukur, dyshohet se është fshehur nga frika

Kronika e zeze - Lajmet ditore - Faqe 2 52346_2

KUKËS- Merr një drejtim më të qartë hetimi për Thëllëza Rexhmati, gruaja 40- vjecare të zhdukur nga banesa e saj në qytetin e Kukësit më 15 mars.

Burime nga policia e Kukësit bëjën me dije se ka gjetur në mjediset e shtëpisë 3 milion lekët (të vjetra) që vlerësoheshin të humbura që në momentet kur u konstatua zhdukja e gruas. Paratë u gjetën në një vend tjetër, jo aty ku i kishte lënë vetë e zonja e shtëpisë. Ajo ndoshta ka harruar vendin ku i kishte lënë dhe kësisoj nga frika e burrit për humbjen e parave mund të jetë fshehur”.

Nga vetë banorët e pallatit pohohet se, e kanë parë gruan dy tre herë t’i drejtohet kazanit të plehrave, ndërsa më pas kanë marrë vesh nga familjarët se ajo është zhdukur. Gjithsesi, ende nuk ka ndonjë shenjë më konkrete të gruas, nënë e 3 fëmijëve, që u zhduk misteriozisht 2 ditë më parë nga banesa e saj në katin e parë të një pallati të lagjes nr. 5.

Ndërsa në hetimet në lidhje me këtë ngjarje të rëndë marrin pjesë edhe ekspertë të drejtorisë së përgjithshme të policisë. Hetimet tashmë janë përqëndruar në dyshimin se gruaja është fshehur nga frika për humbjen e parave duke qenë se ajo ishte shtëpiake dhe gjithë faji do të binte mbi të.
(el.me/BalkanWeb)

Sat 17 Mar 2012 - 11:31

naj lajm ma te amel mor rob se na iku truni tu nigju masakra e makabra lajme

Sat 17 Mar 2012 - 12:47

Furia shkruajti:naj lajm ma te amel mor rob se na iku truni tu nigju masakra e makabra lajme

quhet kronike e zeze zemer Kronika e zeze - Lajmet ditore - Faqe 2 2793563973

Sun 18 Mar 2012 - 10:13

Itali, ekzekutohen me kallashnikov dy shqiptarë

Kronika e zeze - Lajmet ditore - Faqe 2 45926_2

PAVIA- Dy të vdekur dhe një i plagosur. Ky është bilanci i një konflikti me armë i ndodhur në orët e vona të mbrëmjes së djeshme në Vigevano (Pavia), ndërsa mësohet se viktimat janë të dy shtetas me origjinë shqiptare, sic raporton Ansa.

Ata janë të moshës 35 dhe 36 vjec, ndërsa emrat nuk bëhen ende të ditur. Sipas Ansës, të dy shqiptarët janë vrarë me breshëri plumbash që vinin nga një automatik tip kallashnikov. Personi i plagosur është rreth të 30-ave por nuk dihet nëse është apo jo shqiptar

Dinamika e ekzekutimit dhe lloji i armës së përdorur, ngre dyshimet tek policia italiane se mund të bëhet fjalë për larje hesapesh mes bandash rivale shqiptare. Kjo hipotezë mbështetet edhe nga fakti se, 3 muaj më parë një tjetër i ri shqiptar u ekzekutua me pistoletë në një lokal në Vigevano.

Policia po vazhdon hetimet edhe për këtë vrasje të dyfishtë dhe për një lidhje të mundshme mes vrasjesve.
(ma.ar/BalkanWeb)

Thu 22 Mar 2012 - 10:58

Krim brenda familjes, 2 vëllezër plagosin vëllain, i vrasin të bijën, 8 vjec

Kronika e zeze - Lajmet ditore - Faqe 2 42519_4

KURBIN-Një ngjarje e rëndë është shënuar sot në rrethin e Kurbinit ku ka mbetur i vrarë një person dhe plagosur një tjetër.
Krimi është shënuar brenda familjes, pas sherrit mes 3 vellëzërve.

Ngjarja ndodhi sot paradite në fshatin Zhej kur 3 vëllezërit Cara kane patur nje sherr ne njërën prej banesave të tyre. Policia konfirmon se shtetasit Akesander e Llesh Cara kanë rrëmbyer armët dhe kanë qëlluar në drejtim të vellait, Mark Cara. Si pasojë e ngjarjes ka mbetur e vrarë vajza e moshës 8 vjec e Markut, ndërsa vete Marku ka marre plage ne trup. Policia konfirmon se babë e bijë janë viktima të kësaj ngjarjeje. I plagosuri eshte derguar me urgjence ne spital, kurse per vajzen fatkeqesisht nuk eshte bere e mundur asgje, pasi plumbi qe mori ishte vdekjeprures.

Nga te dhenat paraprake dyshohet se krimi ka patur zanafillen ne nje konflikt te gjate pronesie.

(d.b/BalkanWeb)

Thu 22 Mar 2012 - 10:59

o plehra

Thu 22 Mar 2012 - 11:02

sa gjyna......

Mon 26 Mar 2012 - 20:59

Sherr me thika në lokal, vritet një person, plagoset i biri dhe vëllai i viktimës

Kronika e zeze - Lajmet ditore - Faqe 2 46500_6

BERAT-Një person është vrarë ndërsa një tjetër është plagosur me armë të ftohta në Berat.

Ngjarja ndodhi pasditen e së hënës në fshatin Poshnje të Beratit brenda një lokali.
Dyshohet se pas një sherri, është qëlluar me armë dhe si pasojë është vrarë shtetasi Gezim Protoduari, ndersa plumbat kane prekur dhe shtetasit Sako Protoduari dhe Eduart Protoduari, perkatesisht vellai dhe djali i Gezim Protoduarit.
Policia ndodhet në vendgjarje dhe dyshon se ngjarja ndodhi per motive te dobeta. Paraprakisht mesohet se te dyshuar si autore te krimit jane 2 vellezerit Besnik dhe Bedri Ibrahimi.

(d.b/BalkanWeb)

Tue 27 Mar 2012 - 14:33

I ngacmoi motrën, vëllezërit vrasin me thikë babanë e djalit, plagosin të birin

Kronika e zeze - Lajmet ditore - Faqe 2 Vrasje-Trotuar4

Berat, 27 mars 2012, NOA – Ngacmimi ndaj motrës është bërë shkak që dy vëllezërit Ibrahimi të konfliktohen me djalin e familjes Protoduari, dhe pasi nuk janë marrë vesh me fjalë kanë përdorur thikën duke lënë të vdekur në vend Gëzim Protoduarin, djalin e tij 20-vjeçar dhe vëllanë e viktimës, raporton agjencia e lajmeve NOA.al.

Ngjarja e rëndë ndodhi mbrëmjen e të hënës në një lokal pranë fshatit Poshnje të Beratit.

Konflikti nisi për shkak se djali i viktimës tashmë i plagosur, Sako Protoduari 20 vjeç kishte ngacmuar motrën e dy vëllezërve Besnik e Bedri Ibrahimi.

Gjatë konfliktit 35-vjeçari Besnik Ibrahimi ka nxjerrë thikën dhe ka goditur për vdekjen 50-vjeçarin Gëzim Protoduari si dhe ka plagosur rëndë të birin dhe vëllanë e viktimës, Eduart Protoduari, 40 vjeç, i plagosur lehtë.

Policia e Beratit është lajmëruar nga banorët e fshatit dhe ka mbërritur në vendngjarje pasi kishte ndodhur vrasja.

Dy autorët e ngjarjes, vëllezërit Besnik Ibrahimi dhe Bedri Ibrahimi janë arrestuar mëngjesin e të martës.

Policia po heton ngjarjen mbi pistën e konfliktit familjar për shkak të ngacmimit të së motrës së autorëve të ngjarjes nga Sako Protoduari.

mit/noa.al

Tue 27 Mar 2012 - 14:37

Ekzekutohet në mes të rrugës një emigrante shqiptare në Venecia

Kronika e zeze - Lajmet ditore - Faqe 2 Vrasja-itali-noa

Venecia, 27 Mars 2012 03:06 NOA/ Rid Bulku – Një emigrante shqiptare është vrarë në Venecia, Itali. Viktima është Hane Gjelaj, 46 vjeçe, raporton korrespondenti i agjencisë noa.al. Autor i dyshuar i krimit është ish bashkëshorti i saj, Pashkë Gjelaj, 54 vjeç.

Ngjarja ka ndodhur pak para mesnatës duke hyrë e Marta, në rrugën Moniego, vetëm 200 metra larg kishës së Noale, në rajonin e Venecias.

Pashko Gjelaj, sipas dëshmive në vendin e ngjarjes dhe hetimeve paraprake të policisë, e ka qëlluar me një thikë ish gruan e tij duke i marrë jetën në mes të rrugës. Ka qenë një goditje në fyt që i ka dhënë fundin fatal 46 vjeçares e cila u qëllua me thikë disa herë edhe në trup.

Policia tha se e gjeti të ndjerën të pajetë në rrugë dhe pranë saj gjendej thika me të cilën u krye vrasja. Autori i krimit e ka vrarë gruan dhe më pas kufomën e ka lënë në cep të rrugës dhe është larguar.

Në hetimet që po kryen, policia njoftoi arrestimin e Pashko Gjelaj, si autor të dyshuar të krimit. Hetuesit thanë se në rrobat e të dyshuarit gjetën njolla gjaku që lidhen me viktimën në vendin e ngjarjes. Nga hetimet mësohet se vrasja e të ndjerës i ka paraprirë një debati të nxehtë mes saj dhe ish bashkëshortit.

Hane Gjelaj ishte nënë e tre djemve, me vdekjen e saj të mbetur jetimë. Bashkë me fëmijët ajo jetonte vetëm pak metra larg vendit ku u gjet e vrarë.

r.b/noa.al

Wed 28 Mar 2012 - 17:22

Autori që vrau arkëtaren e bankës, dyshohet dhe për vrasjen e argjendarit

Kronika e zeze - Lajmet ditore - Faqe 2 52809

TIRANE-Policia e Tiranës deklaroi sot se autori i vrasjes së arkëtares së filialit të bankës ‘NBG’ të martën në Tiranë mund të jetë implikuar në një vrasje tjetër, po me motiv grabitjen.

Arma që qëlloi mbi arkëtaren Leonora Kaloci, nënë e 2 fëmijëve dhe rojes së bankës Skënder Elmazi ka qenë tepër e njohur për hetuesit. Sipas tyre, e njëjta armë është përdorur në vrasjen e argjendarit, Rrapo Sinanaj, më 21 tetor të vitit 2011 në në argjendarinë që ndodhej mes rrugës "Siri Kodra" e “Ferid Xhajko”, të kryeqytetit.
61-vjeçari i vrarë në tetor 2011, ndodhej në argjendarinë në pronësi të tij në rrugën “Ferit Xhajko” në Unazë, kur një person i maskuar hyri në dyqan, kërkoi paratë dhe pasi argjendari kundërshtoi e qëlloi atë dy herë me armë dhe e la të vdekur në vend.

Policia tha se nuk mund të aludojë në lidhje me çështjen, por shtoi se ekspertiza tregon se e njëjta armë është përdorur në vrasjen e argjendarit, por edhe të arkëtares së filialit të NBG, fakte qe tregojne se vrasësi bredh i lirë ende.
Për vrasjen e argjendarit Rrapo Sinanaj, u arrestua dhe u mbajt në burg për 2 muaj një i ri nga Kosova, i dyshuar nga përshkrimet e dëshmitarëve, por ndaj tij nuk u gjetën prova të mjaftueshme ndaj ai u la i lirë për mungesë të fakteve.

Nderkohe dhjetra persona janë shoqëruar në policinë e Tiranës në lidhje me ngjarjen e ndodhur ditën e djeshme në filialin e bankës NBG në zonën e Xhamllikut në Tiranë. Policia ka shoqeruar çdo person që ka ngjashmëri fizike me autorin e dyshuar të ngjarjes.

Shtetasja Leonora Kaloçi, 43 vjeçe gjeti vdekjen dhe roja i bankës, shtetasi Skënder Elmazi, 50 vjeç, mbeti i plagosur nga të shtënat me armë në bankë nga persona ende te paidentifikuar qe ksihin si qellim grabitjen e filialit bankar.

Thu 29 Mar 2012 - 19:57

Arrestohet vrasësi i arkëtares

Kronika e zeze - Lajmet ditore - Faqe 2 Arrestimi

Policia e Tiranës ka arrestuar një të ri nga Patosi si autor të sulmit të bankës në Tiranë ku u vra arkëtarja Leonora Kaloçi dhe ku mbeti i plagosur një roje.

Ai është Viktor Gushi dhe sipas policisë është autor i vrasjes së argjendarit Rrapo Sinanaj si dhe autor i pesë grabitjeve të tjera të dhunshme në Tirane.

Arrestimi i tij ndodhi pas shpërndarjes së identikitit të tij në të gjitha komisariatet në Tiranë si dhe shoqërimit të dhjetra personave në Tiranë në të gjitha komisariatet.

Autori është personi që shfaqet edhe në pamjet filmike të siguruara nga kamerat e sigurisë së një subjekti privat në Tiranë pranë vendngjarjes ku u vra arkëtarja dhe ku u plagos roja.

Fri 30 Mar 2012 - 9:36

Konflikti me pronat, një grua kërcënon me hedhje nga ndërtesa

Kronika e zeze - Lajmet ditore - Faqe 2 44146_5

LUSHNJE-Një 45-vjecare kërcënon se do të hidhet nga një ndërtesë e lartë në rast se nuk i zgjidhet problemi me pronat.

Policia njofton se shtetasja 45-vjecare, Mjaftoni Tabaku nënë e 3 fëmijëve ka hipur në një ndërtesë në qendër të Lushnjës dhe kërcënon se do të hidhet nga pallati. Sipas Tabakut, veprimi i saj është në shenjë proteste për konfliktin e pazgjidhur me pronat.
Policia bën me dije se 45-vjecarja është shprehur se nuk ka besim tek drejtësia për zgjidhjen e cështjes së saj.

Ndërkohë forcat policore po negociojnë për zbritjen e gruas nga ndërtesa.

(d.b/BalkanWeb)

Fri 30 Mar 2012 - 9:36

si eshte shqiptari per te kopiuar shohin njeri tjetrin

Fri 30 Mar 2012 - 9:37

Gjirokastër, mbante peng nënën, kapet përdoruesi i drogës

Kronika e zeze - Lajmet ditore - Faqe 2 43486_136

GJIROKASTËR - Një përdorues droge, i cili dhunonte nënën e tij nga frika se mos e denonconte në polici, u arrestua mesditën e djeshme nga policia e Gjirokastrës.

Mësohet se 26-vjeçari Thanas Proko nga fshati Llongo ka hyrë forcërisht në ambientet e Komunës së Dropullit dhe ka nisur të thyejë dhe të përplasë pajisjet e zyrave. Sipas policisë, Proko prej kohësh mbante të mbyllur në banesë nënën e tij nga frika se ajo e denonconte. Ai kishte shkuar në komunë, pasi kishte mësuar se nëna e tij po ankohej tek kryetari.

Ndërsa ka nisur të bëhej i dhunshëm, komunarët kanë sinjalizuar policinë, e cila ka mbërritur në vendngjarje dhe ka vënë në pranga 26- vjeçarin. Gjatë kontrollit të ushtruar në banesën e tij, Thanas Prokos i është gjetur dhe sekuestruar një sasi prej 2 kg marijuanë që e kishte fshehur në një çantë shkolle.

I riu akuzohet për “prodhim dhe shitje të lëndëve narkotike” si dhe “shkatërrim të pronës publike”.

(er.nu/GSH/BalkanWeb)

Fri 30 Mar 2012 - 9:38

me acid e djeg kete njeri kur arrin te rrahe dhe te keqtrajtoje nenen e vet ca presim me nga ky person ne

Fri 30 Mar 2012 - 10:53

Policia: Viktor Gushi kreu 16 krime, nuk kishte bashkëpunëtor

Kronika e zeze - Lajmet ditore - Faqe 2 52878_2

PATOS - Drejtori i Policisë së Tiranës, Bernard Çaushaj bëri të ditura detajet e arrestimit të vrasësit Viktor Gushi, një ditë më parë në Tiranë.

Sipas Çaushaj, hetimet kanë konfirmuar se Gushi është autor i 16 veprave kriminale, kryesisht në Tiranë, që kanë të bëjnë me vjedhjen e disa filialeve të bankave dhe pikave të grumbullimit të parave në degët e Ujësjellësit dhe KESH-it.

Gjatë tentativave për grabitje Gushi ka shkaktuar 2 viktima, arkëtaren e NGB Bank dhe argjendarin ne rrugën “Ferit Xhajko”, si dhe ka plagosur 3 persona të tjerë.
Sipas kreut të policisë së Tiranës, të gjitha veprat kriminale janë të dokumentuara, të faktuara dhe të pranuara edhe nga vetë autori.

“Ndalimi i 44-vjeçarit u bë në kuadër të operacionit ‘Banka’ i dënuar më parë në Greqi për trafik dhe shpërndarje të lëndës narkotike, pas një hetimi intensiv gjatë të cilit u bë dokumenti i 16 ngjarjeve të rënda kriminale të ndodhura ne harkun 2008-2012″- tha drejtori i Policisë së Tiranës, Bernard Çaushaj.

Çaushaj bëri të ditur se Viktor Gushi ishte frekuentues i rregullt i lojërave të fatit e kazinove dhe nuk kishte asnjë bashkëpunëtor.
“Kjo është dhe arsyeja pse u zbulua vonë. Po përgatitej të kryente grabitjen e radhës. Gushi ka pranuar krimet dhe ishte shumë korrekt i shpjegonte në mënyrë kronologjike”- tha Çaushaj.

TË AFËRMIT E VIKTOR GUSHIT: DYSHOJMË SE VARI NJËRIN NË ’97
Bashkëmoshatarët e kushërinjtë e Viktor Gushit i gjetëm në një lokal, vetëm 150 metra larg banesës ku ata kanë jetuar familjarisht, por që prej afro shtatë vjetësh nuk jeton njeri.
Pyetjes sonë, se a kishin dijeni që ishte arrestuar Viktor Gushi, ata iu përgjigjën se e kishin marrë vesh nga televizioni “News 24”. “U habitëm, sepse po komentohej shumë, sikur ka kryer mbi pesë vrasje, nuk e dimë se sa e vërtetë është kjo. Çdo gjë do merret vesh në ditët në vijim”, - thanë ata gjatë bisedës që zhvilluam me ta.

Çifti Kozma dhe Sofie Gushi kanë katër djem dhe një vajzë, të gjithë të martuar, përveç Viktorit, i cili është ndarë para vitit 1997-të. Pas vitit 1992 djemtë dhe vajza kanë emigruar në Greqi. Babai i tij Kozmai, ka qenë njeri i nderuar në fshatin Dukas Çoban, që ndodhet vetëm 3 km larg qendrës së Patosit. “Kozmai ka rreth 10 vjet që ka vdekur, pasi ishte i sëmurë nga kanceri në kockë”, - pohuan kushërinjtë dhe disa shokë të Viktorit.

Ata tregonin se ka qenë djalë i qetë e i shoqërueshëm. Nga biseda me të tjerë djem bashkëmoshatarë me të, mësuam se Viktori është përfolur se në 1997-ën ka varur një djalë nga fshati i tij Dukas Çoban. “Se sa e vërtetë është kjo, nuk e dimë shumë saktë, por është folur shumë në ato vite që Viktori e vari, sepse ai u gjet i varur me litar në një degë peme”, – rrëfejnë banorët.

ARRESTIMI
Vetëm 48 orë pas ngjarjes së rëndë, ku humbi jetën arkëtarja Leonora Kaloçi dhe mbeti i plagosur roja i Sigurisë, Skëndër Elmazi, Policia e Tiranës ka arritur të arrestojë mbrëmjen e djeshme autorin e dyshuar të kësaj ngjarjeje. Viktor Gushi, i divorcuar, prej disa vitesh jetonte në kryeqytet në rrugën
“Don Bosko”, në shtëpi të ndryshme me qira, ndërsa pjesa tjetër e familjes së tij jeton në Greqi. Mësohet se Gushi ka pranuar përpara oficerëve të policisë autorësinë e 12 grabitjeve, përfshi këtu vrasjen e 61-vjeçarit Rrapo Sinanaj dhe ngjarjen e ndodhur tre ditë më parë në bankën “NBG

Fri 30 Mar 2012 - 10:54

Durrës, gjendet një i ri i vdekur në kanal. Ishte qëlluar me armë

Kronika e zeze - Lajmet ditore - Faqe 2 28349_6

DURRËS-Një trup i pajetë i identifikuar si shtetasi Gentian Koka 33 vjec është gjetur Durrës.
Trupi i 33-vjecarit u gjet në një kanal në Sallmone nga banorë të zonës. Nga kqyrja paraprake e trupit, policia konfirmoi se i riu kishte një plagë të kryer nga një armë zjarri në krah.

Policia po heton mbi pistën e vetëvrasjes, por gjithsesi efektivët nuk e kanë shmangur dhe pistën e vrasjes.

(d.b/BalkanWeb)

Fri 30 Mar 2012 - 10:58

Gushi në Facebook, poet dhe manjak femrash të bukura

Kronika e zeze - Lajmet ditore - Faqe 2 52882

TIRANË-Shtetasi Viktor Gushi, i akuzuar për një seri vjedhjesh më pasojë plagosjen, vjedhje me pasojë vrasje, i dënuar dhe i kërkuar dhe për trafikim lëndësh narkotike në Greqi, ka një profil të tij në rrjetin social Facebook.
Ne faqen e tij personale, Gushi i deklaruar nga policia si person i rrezikshem, i dyshuar si autor për vrasjen më të fundit në filialin e bankës ‘NBG’ shkruan poezi dashurie.
I fiksuar pas femrave të bukura dhe seksi, ku dhjetra e dhjetra foto të aktoreve dhe vajzave të ndryshme të shpërndara më pas në profilin e tij, Gushi më 3 mars ka shkruar dhe një poezi, që kushedi se kujt ia dedikonte.

“Te dashuroj

Te dish ta lexosh
Eshte e lehte ta kuptosh
Dicka dua te them
Anash shkronjat e medha
Shih sekretin kue ka
Un e di dhe e mberoj
Ri pran teje sta tregoj
O moj vajze mendje lehte
Je e zgjuar gjeje vet”.

Më tej tregon anën e tij të dhunshme ne një status të postuar në muajin Shkurt, ku dëshmon se rrihte të vëllain me qëllim edukimin e tij.
“Erdhi vllai nga shkolla dhe vura dicka tek ai sapo hapi deren e shtepise ishte skuqur...:E pyeta ca ke me ..Me ke je zon ..Me anjonin mu prgj..Ore me ke je zon po te them kush tka rraf
..Asnjoni prap mu prgj...I bona icik presion ore kush te rrafi apo do me te rraf dhe une...Ja me burr tha u zuna me njonin aty te shkolla
..Pse me i thash kush ishte aryeja ..Hic tha vetem se i ngacmova ate te dashuren...Po ti me burr a i re naj her atit se te paska skuq...Jo me burr un vetem i thashe ti e paske doren me te rende se vllai im kaq e mbylla si mhb”, citimi i Gusht në statusin në Facebook.

Anët kontradiktore të Gushit, i shtohen dhe faqet me fansa, ku nga lista vihet re se është fans i kreut të PS, Edi Rama.

(d.bonollari/BalkanWeb)

Mon 2 Apr 2012 - 10:23

Durrës, sherr mes 2 afganësh, plagoset njëri me thikë

Kronika e zeze - Lajmet ditore - Faqe 2 52346_9

DURRËS- Një sherr i nisur mes dy emigrantëve ilegalë afganë ka përfunduar me plagosjen e njërit prej tyre.

Ngjara ka ndodhur në plazhin e Durrësit, ndërsa policia sqaron se shtetasi afgan është plagosur me thikë gjatë orëve të para të mëngjesit të sotëm.

Nuk dihen ende shkaqet e sherrit mes dy emigrantëve ilegalë, ndërsa policia sqaron se i plagosuri është shtruar në spitalin e Durrësit.
(ma.ar/BalkanWeb)

Mon 2 Apr 2012 - 10:24

cunat gushpullumat qenkan zene keq per ndonje esmere besoj

Mon 2 Apr 2012 - 17:38

Tiranë, 37-vjecarja hidhet nga kati i 4-t i pallatit, në gjendje kritike

Kronika e zeze - Lajmet ditore - Faqe 2 51194_4

TIRANË- Një 37-vjecare në qytetin e Tiranës ka tentuar t’i japë fund jetës duke u hedhur nga kati i katërt i një pallati.

Ngjarja e rëndë është regjistruar mesditën e sotme pranë shkollës ‘Kushtrimi i Lirisë’, ndërsa shkaqet që e shtynë të merrte këtë vendim janë ende të paqarta.

Policia e mbërritur në vendngjarje sqaron se gjendja shëndetësore e 37-vjecares Enkeljda Sarxhaku është tepër kritike, ndërsa hetimet për ngjarjen vazhdojnë.

Sipas dëshmisë së banorëve në vendngjarje, gruaja nuk është banore e pallatit prej të cilit është hedhur. Ata e kanë parë teksa ngjiste me qetësi shkallët, ndërsa më pas ka ndaluar në katin e katërt dhe është hedhur.
(ma.ar/BalkanWeb)

Tue 3 Apr 2012 - 18:52

Itali, sekuestrohen 41 kg kokainë, prangosen 3 shqiptarë

Kronika e zeze - Lajmet ditore - Faqe 2 53030

BRESCIA-Rreth
41 kilogramë kokainë e pastër që do sillte fitimin prej 6 milionë
eurosh nga shitja në treg u sekuestrua sot nga policia e Breshias. Në
pranga janë vënë 3 shqiptarë.

Policia italiane prej kohësh ishte
vënë në kërkim të një 28-vjecari shqiptar me inicialet E.K që edhe pse
ishte i papunë kishte nënshkruar një sërë kontratash për blerje makinash
të shtrenjta, që nuk i mbante gjatë, por që i shiste sërish. 28-vjecari
kishte rënë në sy edhe për një standart të lartë jetese që bënte,
krahasuar me të ardhurat që rezultonin zero.

Kohët e fundit
Guardia di Finanza ndoqi 28-vjecarin deri në Milano, në rajonin Sempione
ku 28-vjecari u takua me një bashkëkombasin e vet, 23-vjec me inicialet
E.M, ku ky i fundit i dorëzoi një pako voluminoze.

Ndërhyrja e
policisë italiane bëri të mundur kapjen në flagrancë të 2 shqiptarëve me
cantën ku ndodheshin 8 pako me pluhurin e bardhë.
Po në këtë zonë u
ndalua dhe një shqiptar tjetër i moshës 23-vjecare me inicialet A.G që
kishte fshehur në një cantë, 10 pako me kokainë. Nje kontroll me pas ne
apartamenete e shqiptareve zbuloi dhe 10 kg te tjera kokaine. Në total,
lënda narkotike peshoi 41 kg që rezultoi kokainë e pastër. Tre personave
iu kapën dhe 8 500 euro dhe 9 celularë.
Shqiptarët u dërguan në
burgun e San Vittore të Milanos. Mesohet se 28-vjecari ne vitin 2008
perdorte nje emer tjeter. Policia nuk beri te ditur emrat e plote te te
arrestuarve per arsye hetimore. Dyshohet se pas 3 shqiptareve fshihet
nje grup i mireorganizuar i trafikimit te lendeve narkotike mes
Shqiperise dhe Italise.

(d.b/ANSA/BalkanWeb)

Tue 3 Apr 2012 - 18:53

tani kto cunat kane 2 mundesi ose te kendojne mire deri ne fund kur te merren ne pyetje dhe ti ulet denimi, ose tja hedhin celesat ne det

Wed 4 Apr 2012 - 16:58

Tragjedi në Kretë, nëna shqiptare vret vajzën autike 13 vjeç

Nga ANILA JOLE

Kronika e zeze - Lajmet ditore - Faqe 2 53060

KRETE - Një ngjarje shumë e rëndë ka ndodhur në Rethymno të Kretës në Greqi, ku dyshohet se një grua 36 vjeçare vrau vajzën e saj 13 vjeç dhe më pas tentoi të vrasë edhe veten.

Nuk dihet ende në ç’rrethana, emigrantja shqiptare vrau me thikë vajzën e saj, në mesditë, ndërsa ishin vetëm në shtëpi.

Sapo ka parë që vajza u mbulua nga gjaku, nëna 36 vjeçare ka tentuar të vetëvritet me thikë në qafë.

E gjitha kjo ndodhi ndërsa babai ishte në punë. Kur ai u kthye pas mesditës, gjeti të mbytura në gjak, vajzën dhe gruan e tij dhe menjëherë njoftoi policinë dhe ambulancën.

Gruaja ndodhet në spital në gjendje të rëndë, pasi ka një plagë e thellë në qafë nga thika që përdori në përpjekje për të kryer vetëvrasje.

Policia është duke u përpjekur për të gjetur shkaqet, që shkaktuan këtë tragjedi të tmerrshme familjare.

Sipas informacioneve të para, që citon media greke, vajza 13 vjeçare vuante nga autizmi, ndërsa gruaja kishte probleme psikologjike. Çifti shqiptar ka edhe një fëmijë tjetër.
www.balkanweb.com

Fri 6 Apr 2012 - 9:35

Grushte dhe kërcënime me armë mjekut, kapen 2 agresorët

Kronika e zeze - Lajmet ditore - Faqe 2 49123_6

VLORË - Godasin me grushte dhe kërcënojnë me armë mjekun e urgjencës, përfundojnë në pranga dy agresorët. Mëngjesin e djeshëm, uniformat blu të Vlorës arrestuan 45-vjeçarin Irfan Dalipaj si dhe 25-vjeçarin Selim Nexhipi, pasi akuzohen për "goditje për shkak të detyrës", "kanosje për shkak të detyrës, kryer në bashkëpunim" si dhe për "armëmbajtje pa leje". Burime nga policia lokale pohojnë se ngjarja ndodhi gjatë orëve të natës në ambulancën qendrore të qytetit bregdetar.

Mësohet se, Dalipaj dhe Nexhipi janë paraqitur në ambulancë me një fëmijë 1 vjeç të sëmurë dhe kanë kërkuar ndihmë mjekësore. Ndërkohë, mjeku i urgjencës, Dori Aliaj u ka thënë dy personave në fjalë se vogëlushi nuk mund të trajtohej në urgjencë, por duhej të dërgohej në spitalin Pediatrik të qytetit. Fjalët e mjekut kanë rebeluar Irfan Dalipajn dhe Selim Nexhipin, të cilët e kanë fyer dhe më pas e kanë goditur atë me grushte. Jo vetëm kaq, por njëri prej dy agresorëve ka nxjerrë një armë gjahu që mbante me vete dhe ka kërcënuar mjekun Aliaj.
Pas debatit, fëmija është transportuar për në Spitalin Rajonal të Vlorës për të marrë ndihmën e parë mjekësore, ndërkohë që mjeku i urgjencës ka njoftuar policinë për ngjarjen. Menjëherë blutë kanë shkuar në spitalin e Vlorës ku dhe kanë kapur në flagrancë dy autorët e ngjarjes. Gjatë marrjes në pyetje, 45-vjeçari Dalipaj dhe i riu Nexhipi kanë deklaruar se kanë goditur mjekun, pasi ai nuk ishte treguar i gatshëm për t'i dhënë ndihmë mjekësore fëmijës.

Nga ana tjetër mjeku ka pohuar se nuk mund të vizitonte të miturin dhe se ai sipas rregullores duhej të merrte ndihmë mjekësore në Pediatri.

(d.b/GazetaShqiptare/BalkanWeb)

Fri 6 Apr 2012 - 9:38

duke marre parasysh arrogancen qe mund te kete treguar mjeku(se ne pergjithesi jane arrogante) dhe tensionin e familjareve them mire ja kane bere qe e kane goditur mjeku ne kete rast duhet te kontaktoje vete me pediatrine dhe te vije autoambulanca qe ta marre nene kontroll dhe jo ti thuash familjarit ik e coje ne pediatri